Düp äfegolom; kopamags blägik äjinoms bi- nön pedetöbol de fen; ab if ästopoms danüdi om- sik du sekuns anik, ston äbeginom disön al de- nusumön pladi omik, Sikod ämütoms fovön zesü- diko mufis omsik. I de litabs zemets te anik pälemänoms al filedön.
In timil at yunel äpubom denu. Logod omik äjonom lügöfi nesepükik.
Äpladom oki su sleb, e modü lädyul äsepükom ko vög dusik vödis at:
— Dani, lönedels obik; fenes olsik debob timi- lis at de lib. God en mesedomös olis!
Ston äfalom ko böset mödik, sosus vöds at äbi- noms pesepüköl, e tofs väka yelibik, kels idefa- loms de litabs, äbinoms mal lebalik, kel palemä- nom de ventür at klänafulik.
Voms bofik ägolofs nu al slipacem ofsik; ni äpükofs vödi lebalik, ni ämekofs mali de kluzif, logölo lelitis yuliblik, kels ädudlanoms da slits.
Tiks ofsik äbinoms votivedo, e pediböl in su- kads de tiks et, ävobofs ciniko.
Fino, seitölo okis in bed, äsevokofs ti togo:
— Jifatel, mütob zesüdiko ningolön in spad et disatalik.
— Jisonlil, binos zesüdöf plo ob nolön, kelosi ninvag et ninöfom.
II
In yad keli ebepenobs ya, e al düp öt de neit suköl in kel zids bifoik äjenoms, logobs vomis tel.
Binofs jipesevels obsik, kels konletofs kudiko väki, kel edefalom de litabs.
Vom bäledik ekapälof, das al dudlanön in nin- vag klänafulik, obinos zesüdik mekön zeremifis öt äs pemasekels.
Kodü atos fovofs nezediko sugivi ofas fenöl.
