— 44 —
dumik, keli lilon sotimo, obinom begin de läbad obsik. Te nitedü ol vilob venüdön obi e säkön lanis et se vol votik, dat jonoms obes pladi, kiöp sävoms divis omsik. Levipob plo ol liegis, dat me oms, pla klot lüedik kel zönom kopi olik, satin e golüd mekoms jinön oli jönikum ka lädis baonik, kels nu labofs koliedi ko ol.
— Ab, jifatel — ägesagof jipul, — labob tlepi: no li-logol, liko neit binom lügik?
— Neit somik pötom bizugiko lutikäles; ab nu finö ko tlep netimik e lelolemobsöd (rezar un rosario)
al konletön nämis plo kinam obsik.
Jisonlil älobedof, e du tim anik bofiks äjäfofs ko nos ka ko pläg olas relöfik.
Vom bäledik äbinof balid kel, lüvöl lelolemi, äsustanof denu.
Vien idukom äl of tonis balsetel, kelis glök de Chancillería imekom tonodön.
Do äbinof bäledik deno äbinof stenüdik.
— Kömolöd — äsagof jisonlile ofik; — lenu düp balsetelid eglökom, mütobs lükön lutikälis.
Jipul äsukof ofi.
In golöpil (corredorcillo)
misalöfik vom bäledik ästopof e äpedof logodi ofa peskinapliföl ta voad jölagulik, de kiöp äkanon logön bizugiko yadi doma. Tep iceinom in lömib e tofs gladik äfaloms su logod ofa, kel äblibom nemufik.
Jipul nebü of ädlemof äs bimabled, du vom bäledik äjinof vilön dudlanön spadi ko logs ofa gedik, kels änidoms äs kolats filik.
Düp lafik äfegolom zenodü nepük dibik. Bofiks ätelofs seniti ofsik du tlep ofsik ämödom.
Böset dumik ämufom stabinis doma, e pianiko kopamags kofudik, petegöl ko klot blägik e polöl litabi yelibik in nam, äfuloms yadi, kel ägletom dinamafo.
Ven jiniko valiks ikokömoms, lit klilik änidom
