— 43 —
kelis neit äglupom, e böset töta, zenodü daeg horita, ämekom dlemön de dled lödelis stimik de Albaicin in Granada.
Te in smadom misalöfik su plad de Almez, tik votik ka dled plo zun süla ämufom lanis.
Pelogöl sevedo löd de kel pükobs äsinifom te misalöfi e ruini; e do äblöfom nog dekömöfi oma räbänik dub kölüms anik, kels äbinoms peninkiköl in möns, deno valüd distukik tima e luletam labelas omik ämekoms omi ti lefulniko nelödik. Te manifölo yani, din sembal äkanomöv lenzugön seniti obsik. In yad zilekik, fulik de lukeb e de jüt, ädatüvon stoni blägik, de glet levemik e de nid mäkabik.
Lömib äfalom su om nen mosumön nidi omik nevelo älogom püfi su plen oma klinik, e kope foginik nonik äbinos pedalöl takedön su mab oma blägik.
Älücödaton valüdi milagik stone at nepebelitöl, kel egelo nidik, ädejokom valikosi de ok. Pop ikösömom oki logedön stoni ko jek, e if pösod sembal lukinik, klödöl das ston ätegom divi, ästeifom tovön omi, atos no äplöpos nämes de mans mödumik, ni äkanoms sägo mufön omi te boso. Äcedon ä nidi ä veti stona magügi.
Yn* yel keli enünobs, voms pöfik tel älödofs smadomi. Äbinofs jifatel e jisonlil, e älabofs as jivivels lemesedi te lepülik.
Siedöl zi kolats anik filedöl, me kels ästeifofs jelön okis ta kalod neita, voms bofik äpükofs ko liflöf gletikün, nen glifön demü lelits, kels ädlanoms da litams puodik.
Jiyunel, jönik äs lol, älielof ko senit gletikün vödis jifatela ofik, kela skinaplifs äblöfoms bäledüpi ofa, du zugs anik in logod ofik äsepetoms monäli.
— Lielolöd gudiko, cil — äsagof jifatel; — böset at;
