— 40 —
vobabäsetili ofa) labob is dinis sätik al klotön cilis tel; e votiks mil deiloms anu kodü daleb.... O tof vata svidik keli äpolob al sean al desalön omi, mostömolöd nepöfüdiko! (jedof vobadi ofik in fil).
Nök. — (levikodöl) Bafö! nu evedol lisänik! komolöd! ojonob ole in stad kimik mans gletik ola löfik eletoms menadi ola löfik: ojonob ole taladlemis e nafapölüdis, tuvatis e filedis, kliegi, heti e stupi e moti bada alik: lindif. Komolöd! logolöd!
Mis. — (pajeköl)Kiöp?
Nök. — Jiiiis!!* in gased obik!
Mis. — (paleitöl e smülöl:) A! A!
Nök. — Si, si, ologol lenu (manifom gasedi) valadolöd; litapol obik nösomok[1] mutob denu
segifön leüli ini om (sükom finedo keni) valadolöd! (flapom filastoni)
Lilon böseti äs ut flita stenüdik
Klöd. — No, o Nök, atos olitom oli: (manifom litami)
Bälun dugik ko nem omik «Mostep» pepenöl me tonabs litik su smanaf xänom mayediko, jedölo stali lita lektinik su kap de Phænix.
Phæn. — (Luvoköl) Yu! yu! Filö! vilom bleinön obi! vilom funön obi! (vutiko) ye no funon obi: panemob Legiv e sibinob valöpo, panemob Pænix e pamotob denu se cens obik. Si; binos ob kel estöpob olis jünu, e nen ob ivolekolöv dlimis olsik e oposgonob olis tenüpiko al stiefön mufis givik olas; ojekob genialis beginik dub kof e lindif al stopön omis in vog klatik; ostenob divodi dub badaniluds oba, e osmilob so bösetiko dö döls
- ↑ s’éteint.
