— 39 —
Klöd. — Vö! Cil pemotöl lifafägik li-kanom lifön nen fid?
Mis. — E no dalogob badikosi keli mekol! visü tälen bal kel glofom, limödo blüfo nobik deiläfoms? Nen ol, nen sümik ola, benug kel zümom obis ipöfüdomöv yeltumes fegolöl e ba rivobsöv anu al timag golüdik kel binom, liedö! nog so fagik!
Nök. — O lesi! if mens valik äyufoms-la olis, sugiv binomöv nefikulikum! ab lindif obsik binom ebo neletub gletikün keli mutobs[1] vikodön.... e oneletobs olis benodön obes (röbom namis oka).
Klöd. — No!
Nök. — Si! binobs nämikum ka ols; klödols binön vemo pöfüdik bi volekols dölis u dlimis anik.... ab, kiöp binom gudikos südik velatik pedagetöl? Kiüp egudumon menis? li-emenodon te bal döfas obsik? Li-sibinoms no fälo monälels u simulels sis Molière? Plato li-emütom obis binön puedik? Voltaire li-emekom obis sufälik? li-löfobsok balvoto sis Jesus? blefo eko ols tels, liföl ....e ye.... yels teltum efegoloms sis epenon..... Don Quixote!... (Kögom).
Klöd. — (Kluzifom lamis e jinom meditön).
Mis. — (Letof falön kapi su nams). O God!! li-äbinosöv mögik das pölobs? löf keli senob plo kemens oba, o steifs bloda obik al lanimön al sulüodön omis li-pesegivoms vanliko? Si! binos mögik! no binobs säto stenüdik, obs, lads vila gudik, al feitön ta möd lindifelas.... kis binom gudikos smalik keli ekanobs mekön feleigü bad kel regom nog? (sumof
- ↑ Malam nulik.
