— 29 —
mü negit pekodedöl ome. Chapado no äzogom fögivön. — Sosus eplakon visiti oba in fanüb, alim ävilom obi logön e du ädisaxänob tlebi pefanels valik äkienoms e deluhetoms kapis okas. Äbinos at lenloged muföl, kel ämütons logis oba dlenön.
Nag ägetob latumo libi lefulik de Chapado, at ävisitom obi, alif äkömob in Madrid ed in teat, äbinom lobel betikälikün oba, keli kanon aivipön. If ek äblamom läsevi tusüpitik oma, äsagom: «Lino nolols, das äbinob ya in deilacem, e das sanälel ästanom ya nebü ob?»..., e täno äsuvokom süpito: «Lifo* Ristori! lifo* Ristori»! modo, das äcedon omi fopi. Ye peneds, kelis ägetob de om, äbinoms fulik de tikads siämik, löfadigik e poedik. Änemom obi te: «Mi madre querida!»
Elsa jibaonel Schneider d‘Arno (Nugän).
Jireg e Diamins ofa.
Du dels de Louis balsefolid, reg de Flentän, man menälik sembal ävipom fünön malädöpi plo pöfikels, e kluo äbitopom oki komü jireg Anne de Löstän, e äbekom yüfi e jelami ofa.
Elilöl valikosi keli älabom sagön, ägepükof das neläbs fatäna idemanoms ya lölikosi keli älabof gevön.
«Ab no labons-li diaminis anik», ävokom man zilik, «Pöfüd kimik binoms diamins jirege sembal?»
Vöds at vemo ämufäloms jiregi, e sumöl diaminis völadik anik, älegivof otis mane gudälik, sagöl: «Kosefolöd klänik legivi at».
«Ab din sümik no kanom mögiko sibinön klänik», ägesagom. «Tao, demü pöfikels läpol so magifik sötom pasevön in regän lölik».
