— 30 —
Malädöp päbumom, e mils neläbikelas aituvoms in ot käli e denusauni e fünastons oma äbinoms diamins!
Holden.
Vödapled se Volapükän.
In Volapükän äbinof vöno jipulil kele fat ofik igivom liämi, keli äledivof vemo. (Volapükän no pedavestigom fa talavels, ab obs volapükels sevobs omi magliko). Ven liäm iglofom, fat neviliko älovegivom omi mitele al pamitelön, kelos äglumos jipulili levemo. Päfulof ko leglif ed ädlenof se lad.
— Kikod dlenol? äsagom blod ofik kofliko; «no söton dlenön e lügön pläsif binon palügel pösoda kel edeilom».
— Eko kikod dlenob, votik ägepükof, «ob binob jipalügel»!
Frederic W. Mitchell.
Reg Kvatimosin.
(Epoedom Necas se Märän).
«Golüdi luk»! Kostez* ezeilom. —
Ab reg Kvatimosin eseilom.
De tlon fanels edontenoms omi
su kolati glutöl, in letomi
neba kopanel, kel eklugobom
se dol egelüno eluvokom;
tomel omi älelogom smilöl.
Kopanele äsagom reg stilöl:
«Tabedik, o flen, sufolöx dolis;
jeno disü ob no labob lolis»!
