— 28 —
benadokümi. Dünafizir äspidom al blinön nuni at pekodemele. Publüg, kel bevüno äplakom kelos äzitos tim at, ävaladom su sleb. No ätlidob slebi, sod äflitob voköl: «pebenöl binom! pebenöl!»
Ven äpubob denu in städ, älebösetom läsevam tepik, liko binom nepesevöl in jenabuk teata. Publüg pelanimöl äivokom nemi obik e jirega. Äjonob namo ali jireg, kele soalik muton danön, ye jireg äjonof ali ob ed äsagof: «Leno! danolsöd jiate». — Ledanob jirege at deli mäkabikün lifa obik, e pen, kel ädisapenom benadokümi, latumo obe pegivöl, aiblibom ciles obik as meb sanik gäloda gletikün, keli äsenob evelo. Do solat et egetom beni lifa, deno peninsedom in fanübi de Alcala lifüpo, dat no dunon ta lons militik. Atos äbinos pön düfik, ye völadöl nosi, feleigü pön et, de kel pädalivom. Ven jireg Isabella ägivof lifi pline de Asturän, täno äbegob jirege al votafomön pöni et, kel pevotom id in fanüb yels mäl. Latumo ätävöl denu ali Madrid ävilob sevön jeläbi obik. Peneds, kelis äpenom obe, äblöfoms, das labom ladi nobik e fulik de lestim e danöf. — Äbegob däli al visitön omi in fanüb, kel ebinom fagik de Madrid. Genal ädälom. Änakömöl us pakopanöl fa matel oba, padukob in pükönasäli. Foviko äpubom Nicolas Chapado, peklotöl as fanüban. Änitlidom blegöl kapi e täno äkienom e simi klota obik äkidom. Mufam no ädälom omi vödön. Plisenels valik äbinoms pemuföl. No kanob sagön, liko ädanom. Älilob, das me kodot neblamik oma ädalöpom göni sulogelas, äs i löfi fätäkopanelas oka. — Äbinom penemöl as sulogel pefanelas anik, kels älobedoms ome viliküno. Disafizir, kel äbinom kod neläba de Chapado e kel nu äbinom malädik al deilön, ämekom vokön omi ed äbegom fögivi de-
