— 27 —
kanob tlidön bif jireg e konsälön tadili»? — Tos no äpölüdob lanimi, äpükatob so betikälik, das fino äplopos votafomön tikadi düka, «Benö — äsagom pemuföl, yilob beges ola! Klu begolöd foviko de jireg däli pükön ofi ed ogetol ati sunüno, Täno kienolöd bifü jireg, plopükolöd gönü pekodemel, so vamiko äs epükol al ob, begolöd e lebegolöd....; jireg, löföl e stimöl oli vemo, obinof pemuföl....., ozogof ed ogepükof das ledünal nevilom benön neläbikeli demü niteds tata. — Poso jireg ovokof obi, okömob spido e.... spelö! plu no kanob sagön». — Mufam, kel emekom obi pölüdon vögi, äneletom obi vödön, ab ädanob pedöl te nami oma. Älobedob konsäli oma. Pos süf balid jireg obi ädälof nitlidön. Peduköl fa söl Barbieri, musigel sikik, äxänob lojöpi jiregik. Is äkienob bifü jireg, äkidob mani ed äsagob: «O mayed! begob beni plo Chapado. Letolöd müedönok dub begs oba. Lesi, vo epökom, ab binolös benik e cedatolös meiladälo debelikeli, kel äletom mosumön oki dub nof negito pekodedöl ome komü kamadels. Legivolös lifi lönedele divodik e lanimälik, kel binom vätimo vilikün lofön lifi oma plo jireg oka. O mayed! if melids pülik oba älaboms läbi al dalöpön göni mayeda ola, täno legivolös obe beni, keli lebegob kienöl». Jireg, jeniko pemuföl, äsagof obe: «Stilolöd oki...., vilob atosi...., ye ledünal lesagom....» Ab ädälobok foviko ropön jiregi: «If, o mayed, umanifol ome fekis lada olik, dük no okanom tapükön, om binöl so nobik e menälik». Leigüpo dük äbisetlidom e dub blegön kapi äsiom. Jireg atosi logöl, ätovof obi ed äsagof pedöl manis oba: «Jenosöd! ben binomöd ome!» — Bevüno publüg äbösetom nesufadik, das bifoin nog no patovom e ko lad gälafulik äditob de jireg. «Lügapleds mödik tudel zitoms, benö! at binom luüno, kel finom gudiko», äsagof jireg, täno ädisapenof
