— 26 —
ädalofom. Genal Narvaez, dük de Valencia, bisiedal kosäla dünalik, äbinom pedledöl demü jalepäl oma. Klu äkonsälon obe, ati no konsidön, sod begön jiregi nen sev oma. «Leno, äsagob, bi sevob omi as mani cädik, manifik, löfadigik, plidöfik, sikodo oblinob begis oba vo balüdo ome, bi löfob vegis stedik levemo». — «Ab atoso odämol pekodemeli, ägepükon obe, tän binom pepeludöl». «Lino-binom, pepelüdöl so äs so».? ägepükob; badikumos, ka kelos ati valados, no kanos zitön; klu letolsöd obi mekön, liko fek obe büdom». — Söls dotilöls ämogoloms pepesuadöl büfo de nesek beginama obik. — Läbo bisiedal dünalik äbinom in teat. Emekob begön omi al visitön obi plidiküno timil. Dük de Valencia, ai nobik e plütik, äspidom al lefulön vipi oba. Ven äbinobs soalik, äbegob pladön oki. Senedäl e vög oba, kels äjonoms mufäli, äsüpitoms omi. «O Genal, ofenüno älepükol lestimön obi somo, das no kanol nesiön begi sembal obik, klu benolöd solati pöfik! Binob is jifoginel, tö delis ans stebob in Madrid, ye de dilsumäl valemik, kel pop tugedik blinom mane yunik at, logob, das melidom beni! — Äkonsälon obe begön jiregi, nen büfumo säkön oli, o genal! Ye binob pesuadöl, das mutob büfo begön oli, bi vög obik odlanom zelado nefikulikumo al ladi jirega yüfü ol! Nolob, lio vemo palestimol fa jireg, sevob, lio läd legeilik at konfidof ole demü fied ola ofenüno pebluföl, sevob, das lobedof konsäle ola, kel äviatom pöligis teldik tata.....
«No binos mögik — genal äropom vödis oba — liovemo pidob — no binos mögik! Muton stitön sami. Voluts valik obsa licinoms de milit. Bletimo zits somik ejenoms; äbinon meiladik ed eko seks! — Leno, sami stitön muton! Magit lölik ya älebegom jiregi lenu, al dagetön libi de Chapado, ye äkonsälob, no letön mozugön oki de fekam. Sikodo, lio
