— 21 —
Nejekam Karla 12id.
In del sembal, ven reg Karl 12id, pasigamöl in Stralsund, äpükatom depadis sekretele omik, glöb äfalom sui dom, ähogom nufi ed ädibunom nilü cem rega. Laf cematega ädifalom in dils. Cem, kö reg äpükatom, leno pädämom dub lemuf gletik e sukü fäd makabik, nonik dilas dibunöl in lut älükömom ini cem, kela yan äbinom pemaniföl. Dub böset glöba e dub dämam doma, kel äjinom falön, pen äslüpom name sekretela. «Kis ejenos ibö?», reg äsagom, ko sepet takedik. «Kikodo no penol?» Sekretel äkanom gepükön te somo: «Ag! söl, glöb!» «Benö», reg äsagom. «Kelosi tugedikosi laboms glöb e depad keli pükatob ole?» «Fovolöd»!
Cuk e label omik.
Cuk sembal ätuvom fädo sküni leina ed äklotomok ko om. Somo pefeklotöl, ämogolom in fots ed äpakom vätopo jeki e kofudami; nims valik äfugoms omi. Fino äkolkömom labeli omik, keli ävilom i jekön. Ab man gudik älogom bosi lonedikosi len flans bofik kapa nima ed äsagom ome: söl cuk kikodo binol peklotöl äs lein, lils olik tlätoms oli e blöfoms, das binol jeno te cuk. Stupel ailabom topi meköl omi smilik.
Voit (Deutän).
Liladafluks.
«Kan fikulikün, keli nemödiks te noloms
Kan at, tikön ä seilön obliboms».
——
«Jafön ä steifön binoms lebüd Goda
In vob binom lif, in nevob begin klima».
——
