— 20 —
Hüm.
Ben Kristusa Delivela obsa,
Ko Fatalöf nefiniko gletik,
E flun ladaklinöl Santikäla,
O, fulomsös obis me fil sülik!
O, sibinobsöd in svidik balad
Ko men alik, balim-votim e Söl!
So ojuitobs in kritik tuged
Gälis kelis no kanom gevön vol!
—
Legivs Divik.
Pükatel sikik sembal, püköl dö legivs kels pailegivoms su del balid yela alik sagom.
«Legiv gudikün keli kanol gevön al flen ola binom lad olik; al neflen ola, fögiv; al tael ola, gletäl; al cils ola, sam gudik; al fat ola, lestim; al mot ola, löf; al ol-it, italestüm; al mens votik valik, menalöf; ed al God, divodäl olik».
Holden (Nelijän).
Kid
(fa poedel deutik Halm Friedrich).
Kid binom milag e klän, ibo-äslik sapels Lefüdäna sagoms: lip kidom, köi lad lüodom ati, glestim kidom namis, slafadün kloti, flenüg su cigis, kesen kidom tlodölo su flomi; ye su lipis pedom löf kidi oma, desid tuflamöl su logi feniko pekiköl, e levip blädom omi seifölo in luti.
Kid binom atos, kelosi ledivols omi, nosi, if cogols, e valikosi, if desänols fefi; kid lukalodom e glutom, säkom e givom gepüki; kid sanom e venodom, teilom e fetanom, kanom ä lekosilön ä sätelön, kanom mekön edeilöl e kanom mekön galön edeilelis, e pluo, nog pluo! Kisi äkanom-la no?
Schmidjörg (Löstän).
