— 19 —
Tiks klerela katolik.
Pestiton menes deilön balna, e pos atos cödat.
Lifön nen löf Goda binos vemo badikum ka deilön.
Ekömobs al Vol, al töbön e pasanikön.
If vilobs lifön gudiko a. b. läbiko, lifobsös segun God büdom.
If ädeilobs-la anu, li-golobsöv al Sül, ud al Höl?
Ut kel no golom segun Yesus Krit, golom in daeg.
Yesus Krit binom veg, velat e lif.
Mot Goda binof mot obas.
Mens valik binobs sons Godamota; sod uts kels posdunoms tugis ofik, binoms te sons velatik.
Godamot binof pejin kel kömom sis sül al tal ko fögiv plo sinels.
—
Begs.
Benolös, God, das mekobs-la egelo vili olik.
Misalad kel eblinom Oli sis sül al tal, pladomös obis sis tal al sül.
Filedolös is, no fögivolös is, God obsik, sod pos deil obsik givolös obes gälis süla.
O! Yesus meiladikün obsik, Yesus, ibo binol Sanal, ed obsik, ibo binobs sinels.
O lad de Yesus, mekolös das löfobs-la Oli nen fin.
O Yesus, no vilolös binön cödal obsik, sod Sanal obsik.
O Maria läbik, Ol binol mot Goda, e mot sinela; ibo binol mot sonas bofik, no letolös das son God pönom-la soni sineli.
O Maria, mot bena, mot misalada, delivolös obis de devel, nu ed in düp deila obsik.
Montero Vidal (Spän).
