— 22 —
Üf vilol ladi legudik,
Tän givolöd lifi leigik».
——
«In klöd aiklülik,
In löf aivelatik,
In spel levelo yofik».
——
«Vilolöd te kisi sötol,
täno kanol kisi vilol,
atos magügavöd binos,
me kol pastilos valikos».
——
Üf vilol binön läbik,
Täno vobolöd te vätimo;
Üf binol ito vobilk
Tän otakedom i läb nevelo».
Wettstein.
Koten.
Reg sembal älabom jisoni malädik. Sanel nonik änolom sanön ofi. Fino soalel balädik* sembal äkonsälom: Klötofokös ko jit mena lekotenik; täno osaunof. Nu reg äsäkom menis valik kuta omik, va äbinoms-la löliko kotenik. Nek ägepükom si? Poso reg äsedom nunelis in kinäni omik, dat äsükoms meni kotenik; ab ätuvoms noniki. Ven nunels äbinoms in geveg, älogoms mani bäledik siedöl dis bim jadik. Cogiko äsäkoms omi: Binol-li lefulniko kotenik? Gäliko äsiom säki omas. Begino äklödoms, das gepük at no äbinom-la fefik, ab fino äsuadomsok, das man ät äbinom jeniko kotenik. Sikod äbegoms omi: Givolöd omes jiti ola! Ab man bäledik äsagom: No labob jiti.
