— 12 —
Giuseppe äsludom gevön nog balna begi omik. Sikod ägetävom folidno al seb, al mekön disön bimalami.
— Li-tönol omi nu? äsäkom.
— Si, ägepükom Rinaldi, e pos timil äbinom se seb. Ab detöb omik äbinom so gletik, das äfalom nen notlug in lams de Giuseppe. Pos tim anik änänom denu. Giuseppe ägivom ome täno dili boda, e na ifidom omi, ämogoloms kobo.
— Savel oba, äsagom Rimaldi, liko okanob mesedön oli?
— Epömetol obe matagivi plo jigam oba e ledomi olik in Venezia plo ob, ägepükom feilel.
— Nem dot, flen oba, jigam olik olabof matagivi magifik, e ol obinol feilel li gikün paga olik; kiöp lödol?
— In Casabianca, ab olüvob ludomili obik e olomob in Venezia, if olabob liegis valik kelis epömetol obe.
Ven irivoms simi fota, Rinaldi äsagom:
— Nu veg binom denu pesevik obe. Danob oli, Giuseppe.
— E kiüp dälob kömön al getön matagivi plo jigam obik? e ävilom sagön nog: e liegis? Ab Rinaldi äsopom vödis omik.
— Kiüp vilol, flen oba, e täno äteiloms.
Nu Giuseppe ägolom visitön jigami omik, al konön ofe ventüri omik. Äsagom ofe, das ägetoföv matagivi liegik e das ägetomöv om it ledomi jönik in Vonezia.
Del suköl ägolom al ledom gaba Rinaldi e äsagom düneles, das äkömom getön matagivi plo jigam omik e das äkömomöv poso sumön labedi de ledom, keli söl Rinaldi ipömetom ome.
Dünels äklödems das Giuseppe äbinom fopik; änotoms gabe omsik, das feilel ikömom, kel äsäkom matagivi e äsagom das ledom älönom ome.
