— 11 —
malami at ve seb, otönob omi stenüdiko, täno okanol xänön me om.
— Atos binos gudik, ägepükom Rinaldi pelegälöl; säkolöd obe aikelosi vipol, ogevob osi oli.
— Ag binob vemo pöfik e omatob suno; okanol givön jigame oba Giulietta kelosi vilol.
Bimalam ädisom nu in seb. Giuseppe äsenom suno das ävedom vetik e in timil öt lep äbunom se seb. Nim at, kel ifalom äslik Rinaldi in seb, igebom pöti at al palibön. Giuseppe, pejeköl dub pub selednik at, äbeginom fugön.
— Ag, no lüvolös obi! äsevokom Rinaldi. Begob oli, yufolös obi. Ogivob ole liegis mödik; binob gab Rinaldi, baonel liegikün de Venezia. Ag, no letolös deilön obi in seb at.
Ko mufäl mödik Giuseppe ägetävom e ämekom disön denu bimalami in seb; ab süpito lein en äbunom e ko gluvok de gäl ädepubom in fot.
— Sülö! kiöp ga binob? äsevokom feilel, e denu äfugom in jek gletikün.
Ab älilom laiko yamis de Rinaldi; sikod äsumom de nu lanimi e ägetävom.
— Li-mütob sikod deilön is? äfovom yagel. Ag, labolös koliedi ko ob. Ogivob ole domi jönik, feilis, golüdi, aikelosi vipol, ab sülö, yufolöd obi.
Do Giuseppe ädlemom levemo, äsludom fino mekön disön denu bimalami in seb; ab rätolös kelos äpubos atna: snek, kel äsnekom zi om e ädepubom täno leigo in fot.
Nu feilel pöfik äpölüdom ti notlugi valik demü jek. Fino yams de Rinaldi ämeboms ome denu valikosi.
— Ag, flen oba, savel löfik, if binol nog is, yufolöd ga obi. Deilob, näms obik lunoms. Li-vilol ledomi oba jönik, guedis oba? Ogivob ole valikosi. Ag‚ obefulob kelosi epömetob, Ab savolöd lifi obik!
