mac Faebhairglais ⁊ Ogarmach ingen righ na Greigi, an bangaiscedhach is ferr 15tainic isin doman riam ⁊ moran do righaibh ⁊ do tigernaibh ele nach airimter ann so.
Ar toigheacht imoro don tromsocraide sin co hairm a roibhe airdri in domhuin, ro cinneastair uile encomuirli .i. teacht do ghabhail Eirenn ar ais no ar eigin. Ocus ba he so an adhbar .i. feacht n-aon da n-deachaid Finn mac Cumaill 20ar innarbad a hEirinn isin domhun mhor ⁊ do bhi thoir re bliadain a n-amsaine ag Bolcan ri na Fraingci ⁊ ro elo bean ⁊ ingen righ Frangc leis ar thabairt comgradha doibh ar aen do ⁊ is trid sin ro tinoiledar na sluaig ⁊ na socraide sin do theacht da dhidhailt ar Eirennchaib. Oir nir bo miadh no maise leisna maithib sin tar ⁊ tarcaisne do tabairt den Eirennach orrto.
25Is ann sin ro ḟiaracht ri in domain: 'Cia bus eolach dam-sa a [fo. 1 a. 2.] calad-portaib Eirenn?' ar se. 'Dogen fireolas duit,' arsa Glas mac Dreamhain '⁊ ataim fein ar innarbad o Ḟinn mac Cumaill ⁊ bérad eolus ar caladaibh redhi roḟairsingi na Eirenn dib-si' ar se.
Is ann sin tangadar na sluaig ⁊ na socraide linmára ⁊ na teaghlaigi taibsemacha 30sin isin oirear ara bhadhar a longa ⁊ a laigeanga ⁊ ro hinnled leo a cuairre ⁊ a cairpthi, a curaigh ⁊ a caemhlonga ⁊ ro curbadh amach cliatha cuanna certa crannrighne cruadhrámadh ⁊ dorinneadar imram tren togharadh dianlaidir degh-
