Cath Finntragha ann so sios .i. oighe Finn le fianaibh Eirionn ⁊ bas Duiri Duin rig an domhain moir.
Ri ro gabasdair flaitheas ⁊ forrlamhas an domhain mhoir uili go himlán .i. Duiri Donn mac Loisginn Lomghluinig. Ro thinoileadar imoro ⁊ ro thimsaigeadar sluaig in domain d'innsaighidh in righ sin. Tainic ann Bolcan ri na Fraingci ⁊ Marghaired ri na Greigi ⁊ Faghartach ri na hInnia ⁊ Lughman Leathanarmach ri Saxan ⁊ Fiachra Foiltleabar ri Gairían ⁊ Tor mac Breoghuin ri na hEspaine ⁊ Sligeach mac Seanghairbh ri Fear Ceapdha ⁊ Iruadh mac Dreagain mic Duilli ri Fer n-Dreagan ⁊ Comur Croimgeann rí Fer Conchenn ⁊ Caitchenn ri Fer Caitchenn ⁊ Caiseal Clumach ri Lochlann ⁊ a tri derbraithri .i. Forne Glainger Gaisgedhach ⁊ Mongach in mara ⁊ Tacha ⁊ Daire Dedṡolus ri mara Toirrian ⁊ Madan Muncas mac Duinn ri na Gaethlaigi ⁊ tri righa o tergabhail greine anoir .i. Duibhceartan mac Firmais ⁊ Muilleann mac Firluit ⁊ Cuilleann
