cubaidh gur bho cosmhail re ceathaibh gelclu . . ar gormsrothaib no re hael aengeal ar ardchlochaib na srotha cubhracha cneasgeala sin tar eis na laigheang on luathimram corcra . . cadur na longa sin sithi seabchamail int . . . luaimneacha oc imraibh na cuan a coir . . . innas tarb di maclannaib diana digairaidir con . . ti na dilainn .i. tar in mothar mortonnach ⁊ tar na tonnaibh mora moingmora mallgorma.
Is ann sin imoro ro eirgeadar na gaetha ⁊ ro ardaigheadar na tonna co nach cualadar-san enni acht imall mear maithreac na mardhucann ⁊ gotha imda eccunnla na n-en corrach crithluaimnech os gluair glastonn ag a crothad. Ni mochean amh tarrla re freastal no re fritholamh na fairrgi forranaighi fuardoimne sin .i. nert tonn ⁊ tuili ⁊ trengaiti ag caitheamh a cainnti ⁊ a cirgaili ⁊ accann aircci risna longaib ⁊ fos nir madh in comhraidh na treabha taibhliucha sin re seastan na slat ag a sreangbhualad ⁊ re coimbeimnigh na crann le gairbgaethaib ag a cruadbrised. Ni raibhi imoro acu-sun ann sin long gan labugud 'na rugaire, gan rangbriseadh 'na ub, gan odugud 'na clar, gan crithnugud 'na tairrngi, gan trotlugud 'na [fo. I b. I.] bord, gan brughud 'na brirrlig, gan usce 'na abur, gan ḟoslugud 'na teas, gan tuargain 'na tili, gan tuarcain 'na as, gan impodh 'na crann, gan cruadludhbadh 'na stagh, gan ṡduaidhleim 'na ruaidhbreid, gan rebadh 'na laigheang, gan locadh a luathṡiubal re lananfud muna theagmadh lucht a freastail ⁊ a fortachta ina focraibh da ḟoiridin.
O nach bhfuair imoro in gaeth sin laigi ar na laechaibh na tlas ar na trenferaibh,
