ugay na babaye na pagpoon pa lamang nakamangno na kan malipungaw na paghiling kan saiyang aki, clai na nakapagpogol asin nagpoon kan saiyang mga hapot. Sa mga enot na paliwanag, ibinibilang ito ni Cabesang Andang na mga pagiiktad, hominoyom asin pinagsagdonan su saiyang aki, sa pagparomdom saiya kan mga pagpakasakit, mga pagtios nin kadaihon, asin iba pa, asin nagsabi dapit sa aki ni Capitanang Simona na, huli ta naglaog sa Seminario, may angkas nang sa obispo sa banwaan; si Capitanang Simona ibinibilang nang Ina nin Dios, talaga, huli ta su saiyang aki magiging saro pang Jesucristo!
“Kun magpadi an aki,” an sabi ni Capitanang Andang, “an ina dai mabayad kan utang satuya... siisay an masingil kaiyan, kun siring?” Alagad kan makita na odok sa boot su pagtaram ni Placido asin nabasa sa saiyang mga mata su barongbarong na nagoongal sa laog kan saiyang ginhawa, nasayodan nya na sa karaotan nin palad tunay na gayo su saiyang ipinagoosip. Sa nagkapirang hidele dai nakapagkaalo dangan garo na sanang mawasak sa kangongoyngoy.
“Ay!” an sabi; “asin nanuga ako sa saimong ama na atman ka, paadalon asin gibohon kang abogado! Tinitios kong dai makanamit nin ano mang tangani kang makaadal! Sa lugar na magduman ako sa panguingui na pinagsusugalan nin salapi, su sa kabangang-sikapat (266) an sakong pigdudumanan, nagtitios ako kan maraot na parong asin kan mga maating mga baraha! Hilinga an badd kong may mga sinorsehan! Sa lugar na bomakal ako nin bag-o, tinotostos ko an kuwarta sa mga misa asin mga dolot ki San Sebastian, minsan ngani dai ako naniniwalang gayo sa saiyang kabagsikan huli ta masigkat asin koramkodam an pagsabi kaiyan kan cura asin su santo lubos na gayong bag-ohan asin dai pa tataong maggibo nin mga gibong-ngangalasan, asin bakong gibo sa batikuling kundi laniti... Ay! Anong sasabihon sako kan saimong kun magadan ako asin makita ko sya?”
Asin naglologologo asin naghihibi su makauugay na babaye; lalong mamondo si Placido asin sa saiyang daghan minaluwas an baga napopdot na hagayhay.
“Anong makokoa ko na maging abogado?” an simbag.
