13
nga nagatapun-og sa lanaw sa Laguna, apan wala dawata kay dili man makahatag niini!
Ug gibalik niya pagpalihok ang iyang kumagko ug mga tudlo sa iyang kamot ug ingon man ang iyang mga abaga, ug unya mitan-aw sa iyang mga kaatubang daw nagkanayon siya kanila: nakita ninyo kon unsa ka daku ning kadauta?
— Mahimo ba nga itug-an nimo kanamo kon unsaon paggama nianang imong “proyecto”? — Ug . . . ?
— Ambi, ambi kon6, pamation ta! — matud pa sa mga kasulti ni don Custodio nga nanuol niini ug nangandam sa pagpamati kaniya. Ang mga “proyecto” ug... ni don Custodio nabantog man sama nianang mga bulong sa mga mananambal nga walay hibangkaagan. Si don Custodio naghunahuna unta sa dili pagtug-an kon unsaon paggama sa iyang “proyecto,” naglagot nga walay usa nga milaban kaniya diha nga nanaglalis sila si Simoun. “Kon dili kam6 magaungaw ug kadaut, inyo akong pasultihon, ha? ug kon aduna, mohilom lamang kam6?,” mao unta kining mga pulonga ang iyang isulti kanila, ugaling kay nahinugon siya sa maayong higayon nga angay niya pahimuslan aron pagbutyag sa iyang “proyecto,” kay sanglit dili man gayud kaha mahimo nga kirn ipahinayon, maayo na lamang nga hingsayran ug pagadalayegon sa uban.
Human mopabuhot ug makaduha kun makatulo sa tabako nga iyang gium-um, human moigham ug mangluwa pinaagi sa pikas nga ngabil, si don Custodio nangutana kang Ben Zayb nga iyang gidagpi sa paa: — Nakakita ba ikaw ug itik? — Dagway nakakita ako . . . gipamusil sila namo didto sa lanaw — mitubag si Ben Zayb nga nahibulong.
— Dili, wala ako magahisgot nianang mga gakit nga maidlas; maoy gihisgotan ko kanang mga itik nga tanod, kana nganing gipamuhi sa Pateros ug sa Pasig. Nasayud ikaw kon unsay ilang kan-on?
Si Ben Zayb, ang bugtong tawo nga maantigong mohunahuna, wala masayud niadto: siya ugod wala man intawon magaatiman sa pagpamuhi ug mga itik.
