11
del Capricho” gibuhat sa ingon usab nianang paagiha. Ug karon sultihi ako ninyo, nanukol ba sa kagamhanan kanang mga lungsora?
— Oo, apan . . . nanukol sila kaniadto — miingon ang dominiko; — ug matud pa sa linatin ab actu ad posse valet ilatiol
— Ayaw na lamang ako niana, ayaw na lamang! — mipadayon si Simoun nga mihana na paglusad ngadto sa kamarote;
— ang giingon ko maoy matuod. Ug ikaw, pari Sibyla, ayaw pagyam-yam sa mga pulong linatin ug ayaw pagsulti ug mga binuang. Unsa man lamang diay pulos ninyong mga prayle kon ang lungsod makahimo pagsukol sa kagamhanan?
Ug sa walay pagkabana sa mga pagsupak ug mga tubag sa iyang mga sulti, si Simoun milusad sa diyutayng hagdan padulong sa ilalum sa kubyirta ug nagkanayon nga mabiaybiayon: pagkayamat, pagkayamat!
Si pari Sibyla naluspad; mao pa kadto ing paghitabo nga gihinganlan ug binuang ang iyang mga pulong, nga unta “Vice Rector” man siya sa Universidad; si don Custodio nagpangala gum; bisan sa diing tigum nga iyang hingtambungan wala siya makahibalag ug kalantugi nga sama kang Simoun. Kadto hilabihan da kaayo. — Dagway anak kanang tawhana ug mga amerikanhong agta ug maputi! — matud ni don Custodio nga nagbagutbot.
— “Indio ingles” dagway kanang tawhana! — miingon paghinay si Ben Zayb.
— Amerikanhon ugod kana siya; ako na karon ang wala masayud? — mitubag si don Custodio nga nagalagot; — gisuginlan ako sa Kapitan Heneral; maoy usa ka magbabaligyag pahiyas nga nakaila niya didto sa Habana ug, sumala sa akong gikatahapan, kanang tawhana maoy mihatag kaniya sa katungdanan pinaagi sa pagpahulam ug salapi. Tungud niana, aron siya makabalus sa iyang utang kabubut-on, gipaanhi niya kanang tawhana aron magbinuang dinhi ug aron modugang ang iyang kadato pinaagi sa pagpamaligya ug mga pahiyas . . . nga molubad, kinsa man uroy nasayud kon tinuod ba kanang mga pahiyas nga iyang gipamaligya! Ug labihan ang iyang pagkamakaliton kay sa hu man niya tikasi sa salapi ang mga “indio,” buut pa gayud niya nga ... — Pf! Ug gitapus niya ang iyang sulti pinaagi sa paglihok sa iyang kamut nga masabut kaayo.
