239
— Pagkaayong tawo ning tawhana ... misulti si Tadeo, nga mahinuklogon...
— Ug unya? nangotana si Sandobal; nianang sulata wala akoy nakita nga dautan, hinonoa...
— Oo, mitubag si Makaraig, nga mikisdum, maayo kaayong pagkahukom... Bag-o pa gayud akong nakigkita kang Pari Irene....
— Ug unsay pulong ni Pari Irene?
— Sama kang Don Custodio, ug ang salbahis nakaako pa gayud sa pagpahalipay kanako. Ang Komisyon, nga miuyon sa hunahuna sa ponente, miuyon sa hunahuna, ug nagpahalipay sa mga tinon-an tungod sa ilang tinguha sa pagpakakat-on ug sa ilang gugma sa yutang natawhan....
— Ug unya?....
— Mao ray nakaingon, nga tungod kono sa atong daghang mga buhat, ug aron kono dili mausik ang atong hunahuna. mao konoy angayan papangulohon sa tanan ang usa sa mga korporasyon sa mga prayle, kon ang mga dominiko dili buot nga isang-at siya sa unibersidad.
Mga pangagho maoy misugat niining mga sultiha. Si Isagani mitindog, apan wala mosulti bisan usa ka pulong.
— Ug aron makita nga kita maoy mangulo sa Akademya, mipadayon si Makaraig, kita maoy tugyanan sa pagpaningil sa mga amot, apan may katungdanan kita sa paghatag sa tanan sa mamahandi nga itudlo sa korporasyon, ug ang mamahandi mohatag sa mga resibo....
— Mga kabesa sa barangay diay, matud pa ni Tadiyo.
— Sandobal, matud pa ni Pekson, anaa ang hagit, dawata...
— Puf, kana dili maoy usa ka hagit, apan nanimaho sama sa usa ka medyas nga bulingon.
— Ug ang maanindot, mipadayon si Makaraig, kay si Pari Irene nagsugyot nga atong pasidunggan sa usa ka bangkete kun serenata nga may mga sulo, usa ka parada sa mga tinon-an nga molibut sa kadalanan, magpasalamat sa tanang tawo nga nakatabang kono kanato.
— Oo, human sa latus, nga kita mag-awit ug magpasala mat ... Super flumina Babylonus sedimys....
