238
huna niya didto kang Paulita, nga hisakpan niya nga mitan-aw
kaniya, sa usa ka tinan-awan nga nagsultig daghang mga bu
tang. Si Isagani buot mosuta sa kahulogan niadtong tinan-
awana... Oh, kadtong tinan-awana nagpasabut daghan kaayong
mga butang, ug dili tabian...
-Ug ikaw kay magbabalak man, ulipon sa mga matahum nga pulong, ug anak sa mga Musa, nagpadayon si Sandobal nga nangompas daw nagyukbo sa tadoanan sa langit ug yuta sa siyam ka mga magsoon, nakasabut ka, makahimo ka sa pagtoo nga usa ka pinolongan nga kulang sa katam-is ug makaliyon, sama sa pranses, makahimog mga magbabalak nga sama atong mga Garcilaso, mga Herrera, mga Espronceda ug mga Calderon? ..
- Apan, misagbat si Pecson, si Victor Hugo....
- Si Victor Hugo, higala Pekson, si Victor Hugo, kon siya magbabalak, nahimo siya nga ingon niana tungod sa Es- panya...kay nasusi, maoy usa ka butang nga wala na duha- duhai ug giila hangtud sa mga pranses nga nasina kaayo sa Espanya, nga kon si Victor Hugo adunay genio, kon siya mag- babalak, kana tungod kay sa batan-on pa siya didto siya puyo sa Madrid, didto siya makadimdim sa unang mga pagbati, didto malalik ang iyang salabutan, didto matutu-a ang iyang kasing. kasing ug didto mutorok ang mga matahum nga hunabuna niya. Apan, kon atong hunahunaon, kinsa man si Victor Hugo? Ikatandi kana siya sa atong mga bag-o nga....
Apan, ang pag-abut ni Makaraig nga naminghoy ug ma- luyahon, nakapahunong sa pakigpulong ni Sandobal. Si Maka- raig nagdala usa ka papil nga iyang gitunol kang Sandobal sal walay sultisulti.
Gibasa ni Sandobal:
"Salampati ang imong sulat ulahi na; ako nang gipa- saka ang akong hukom ug giuyunan. Apan, sama sa nakatag- an ako sa imong hunahuna. gihukman ko sumala sa tinguha sa imong mga tinabangan.
Moadto ako sa dulaan ug hulaton ko ikaw sa gawas.
Ang imong salampating kuyabog.
CUSTODING"
