This page has been proofread.
240
— Oo, usa ka piging sama sa mga binilanggo, matud pa ni Tadiyo.
— Usa ka harana, nga togtogon ang Marsellesa ug mga togtog sa minatay ...
— Dili, mga ginoo, misulti si Sandobal, nga nagtalidhay. Aron sa pagsaulog sa hitabo, ang labing maayo mao ang usa ka panihapon sa usa ka pansiteriya, nga sinilbihan sa mga insik nga maghubo.
Ang hunahuna, tungod sa ilang pagkamabiaybiayon ug pagka kataw-anan, giuyunan. Si Sandobal mao ang una nga mipakpak. Dugay na siya nga buot motan-aw nianang mga balaya, nga sa gabii malipayon kaayo ug madasigon.
Ug sa dill a gayud nga ang orkista mitogtog aron pagsugod sa ikaduhang yugto, ang atong mga batan-on nanindog ug mibiya sa dulaan, sa dakung kahibulong sa tanan.
