234
sumbag unta ni Gaspard alang kang Grenicheux nga lain ang nakadawat, ingon man sa tagabong niini nga milupad sa hangin, ug sa kasaba ug kagahob inigsira na sa tabil:
— Ug ang can can? nangotana pagbalik si Tadiyo...
Apan ang tabil gipasaka dayon ug maoy makita ang baligyaan sa mga binatonan, nga may tulo ka haligi nga giputos sa mga bandila, ug nga nagdala sa mga anunsiyo sa mga servantes, cochers ug domestiques. Si Juanito mipahimulos sa higayon, ug sa paningog nga hataas, aron madungog ni Paulita, misulti kang Donya Victorina:
Servantes, sa ato pa mga binatonan; domestiques, mga sulogcon...
-Ug unsa may kalainan sa servantes sa mga domestiques? nangotana si Paulita.
Si Juanito nakakita dayog tubag.
— Ang domestiques, kadto anad na; wala ka ba makaalinggat nga ang uban adunay panagway nga mga salbahis? Mao kana ang mga servantes...
— Tinuod, misumpay si Donya Victorina; dihay pila ka book nga ngil-ad kaayog mga panlihok... gipakaingon kadto nako nga didto sa Oropa ang 1tanan pulos may pamatasan ... apan, sanglit didto mahitabo sai Pransiya ... makita ta na gayud..
— Sit, sit...
Apan diha na maglisod si Juanito sa diha nga, sa pagabut na sa panahon sa pamaligya ug gikuha na ang ulangulang, ang mga binatonan nga paabangan mosandig tupad sa mga anunsiyo nga gitagana alang kanila ug magpaila sa ilang kahimtang. Ang mga binatonan, mga napulo kon napulog duha ka mga tawo nga may panagway nga lu-og, nagsapot sa sapot sa kotsiro, nagdala sa kamut mga pongpong sa bulak, ug nga mipasilong ubos sa anunsiyo nga domestiques.
— Mao kana ang mga sulogoon sa panimalay, miingon si Juanito.
— Tinuod gayud nga dunay panagway sa pagka sulogoon nga bag-o pang naanad, misulti si Donya Victorina. Karon, tan-awon ta ang mga su-salbahis ...
