233
— Sit, sit...
— Ang mga kuwanggol... Mao ra hinoog makasabut silag pranses... Nagkanayon ang ginang, nga milukop sa pagtan-aw sa tanang dapit, sa usa ka pagtan-aw nga mayubiton, ug unya mitutok sa paiko ni Pelaez, kay nagatoo siya nga didto maggikan ang sutsut.
Si Juanito tinuod maoy may sala. Sukad pa sa sinugdan nagpatoo siya nga nakasabut sa tanan ug nagpagarbo, usahay mokatawa, usahay mopahiyum ug mopakpak pag-una, mao ra gayug nakasabut siya sa tanang gisulti sa mga magdudula. Ug gani, dili kaayo siya motan-aw kanila, kay adto man lamang siya maghinayg tan-aw kang Paulita, nga iyang giingon nga dili siya maghago sa pagtan-aw sa layo, kay hadool kaniya aduna may mga dalagang labi pang matahum... Si Paulita manlipaghong intawon, pasalipdan ang iyang nawong sa iyang paypay, ug mopasigpat sa dapit diin maglingkod si Isagani, nga mao rag wala mahigugma sa dula, kay dili man gani siya mopahiyum ni mokatawa ug mopakpak.
Si Paulita naglagot, wala kaha si Isagani maibog niadtong mga magdudula nga mahagiton? Kining hunahunaa nakadaut sa iyang buot, ug maoy hinungdan nga wala siya makabati sa mga pagdalayeg nga gihimo ni Donya Victorina sa iyang pinalabi.
Si Juanito maayong midala sa iyang papil; usahay molingolingo, sama sa wala mahimuot, ug dihadiha dayon mabati ang mga igham ug mga bagolbol sa pila ka dapit; usahay siya mo pahiyum; moyangoyango, ug dihadiha usab madungog ang mga pakpak. Si Donya Victorina nahimuot kaayo ug nakahunahuna na hinoon sa tago nga siya magpakasal sa batan-on inigkamatay ni Don Tiburcio. Kay si Juanito maantigo man ugod nga mosultig pranses, ug ang iyang bana dili. Ug dayon nagsugod siyag poparayeg... Apan si Juanito wala makasabut niini, kay ang iyang gitutokan pag-ayo mao man ang usa ka magpapatigayong katalan nga nakadungog nga sila nagsulti sa pinaranses, maniid lang sa ilang panagway ug moawat kanila.
Nagsunodsunod ang mga gula, ingon man usab ang mga magdudula, ang mga tigpakatawa ug mga kagaykay, sama kang Grenicheuck, nga maugdang ug matawa sama sa markis ug kang Germaine; ang kadaghanan mitakiki pag ayo sa
