220
— Ay, salamat kang Bathala, moginhawa si Tadiyo; ako maoy naka-uli sa ilang maayong kabobot-on.
— Dili ba maayo nga imo silang sultihan nga pasudlon kita? nangotana nga nagpanuko ang bukidnon.
— Kanay dili mahimo... Ako maoy usa ka tawo nga dili moutag kabobot-on; ako hinoon ang mopa-utang, apan sa walay pagpaabut nga bayran ako.
Ang bukidnon mamahit sa iyang ngabil, ug agig pagtahud, mopalayolayo sa iyang katipoglungsod.
Si Tadiyo nagpadayon:
Kana mao ang musiko nga si H... kadto, si manlalaban J. nga mihimog pakigpulong ug nangankon nga iya ang usa ka pakigpulong nga nahimantala sa daghang mga basahon, apan ang namati mupakpak kaniya ug nahibulong sa iyang kinaadman... Si mananambal K., kanang nanaug sa iyang sakyanan, espesyalista sa mga sakit sa mga bata, ug maoy hinungdan nga ginganlan siyag si Herodes... Kadtong usa mao ang bankero nga si L., nga mao ray kanunay niyang hisgutan ang iyang kaadunahan ug ang iyang sakit sa almoranas... si magbabalak M., nga kanunay lamang nagsulti sa mga bitoon ug sa usa ka kalibutan... Atua ang maayong bata nga asawa ni N., nga kanunay nga giduaw ni Pari Q., kon wala diha ang iyang bana... ang magpapatigayong hudiyo nga si P. nga sa pag-abut dinhi usa ka libo ka pisos da ang dala, apan karon milyonaryo na... Kadtong taas ug bungot si mananambal R. nga naadunahan tungod sa paghatag sakit, dili sa pagpanambal.
— Manghatag mga sakit?
— Oo, lagi, sa pagpangeksamin sa mga kintos... Hilum, tan-awa pag-ayo. Kanang ginoong talahuron nga maayo kaayog sapot, dili mananambal, apan may paagi sa panambal nga iyang kaugalingon ... nagsunod siya sa similia similibus...Ang batan-ong kapitan sa Kabalyeriya nga kuyog kuyog niya mao kana ang iyang tinon-an nga labing pinangga... Kanang nagsapot ug puti nga pinahilig ang kinaw-an, mao si kawani S. nga ang iyang batasan mao ang dili pagtagad sa mga tawo ug magsalig pamalikas kon makakitag usa ka kalo nga gitungug magsalig sa ulo sa laing tawo...gitinguha kono niya nga maputo ang mga mamumuhat sa kalo sa Alemanya...Kana nga miabut
