191
Simona usab nagatoo na nga siya Inahan ni Bathala, dayag na lamang, kay ang iyang anak mahimo na man nga laing hesukristo.
— Kon ang iyang anak mahimong pari, matud pa ni Kabcsang Andang, ang iyang inahan dili na mobayad kanato sa iyang utang... ug unya kinsay may maningil kaniya? Apan sa pagkaalingat niya nga si Placido tinuoray ang sulti ug nabasa niya sa iyang mata ang unos nga nagdahunog sulod sa iyang kalag, wala na siya magduhaduha nga ang gisugilon diay kaniya sa iyang anak tinuod gayud. Wala siya makatingog sa makadyot, apan pagkahuman nagsugod dayon sa pagpanghayhay.
— Ay, nagkanayon; ako nga nakasaad sa imong amahan nga bantayan ko ikaw, patunghaon ug himoon nga manlalaban... Nagsakit ako sa akong kaugalingon aron lamang ikaw makatoon. Inay moadto ako sa panggingi nga ang pusta tagtunga sa pisos, adto na lamang ako sa tag sikwalo, nagaantus sa kabaho ug sa kabulingon sa baraha. Tan-awa ang akong mga sinina nga sinursihan! Inay mopalit akog mga bag-o, gigasto ko ang salapi sa mga misa ug mga gasa kang San Sebastian, bisan wala ako kaayo motoo sa iyang panabang, kay ang kura dali-dalion man lamang ang misa ug mao rag dunay galutos kaniya ug ang balaan bag-o pa usab kaayo ug dili pa maantigo nga mohimog mga katingalahan, ug dih usab linalik sa batikulin kon dili sa laniti. Ay, unsaon kaha ako pagsudya sa imong amahan kon ako mamatay ug igkita ko siya? ...
Ug ang alaut nga babayc nanghayhay ug naghilak, samtang si Placido nagmasulob-on sa iyang dughan nagpahungaw sa mga pagbakho.
— Unsa man ang makuha ko kon mahimo akong manlalaban? mitubag siya.
— Mag-unsa ka man lamang? Nagpadayon ang iyang ina han nga nagdagpo sa iyang mga kamut; nganlan ka unyag Filibustero ug bitayon ka. Daan ko na ikaw nga gipasidan-an nga magpailub ka, nga magpaubos ka! Wala ako moingon kanimo nga mo-amin ka sa kamut sa mga kura, kay nahioalo ako nga delikado kag ilong, sama sa imong amahan nga dili makakaon sa kiso sa Oropa, apan kita kinahanglan nga mag-antus, magpakahilum ug mouyon sa tanan... Unsa may atong mahimo? Ang mga prayle aduna sa tanan; kon sila dili
