177
larawan sa pagpasakit; dili sila manghalok sa mga aping sa mga dalagang bukidnon; mao ray ilang pahalokon sa kamut ang mga bata ug ang mga hamtong, nga kulang na lamang moluhod sa ilang atubangan; samtang ang sa Oropa larawan nga anaa sa taliwala sa usa ka tipiganan nga puno sa mga sud-an ug sa mga kan-anan, ang sa Pilipinas makita nga naa magyampungad sa ilang lawak nga pangadyean ug sa lamisa nga pagatun-an; ang prayle sa Pilipinas nag-apod-apod sa limus sa mga kabus nga indiyo, samtang ang sa Oropa naglibud sa mga kabalayan aron pagpangayog limos.
—Tan-awa ninyo, ania si pari Camorra, —miingon si Ben Zayb, nga mao rag nahubog pa sa champagne.
Ug gitudlo niya ang hulagway sa usa ka prayle nga daut, mapalandongon, nga naglingkod tupad sa usa ka lamisa, nanampiling ug nagsulat tingali sa usa ka sermon. Usa ka kingke naghatag kaniyag suga.
Tun god kay lahi man kaayo ang hulagway, ang tanan nangatawa. Si pari Camorra, nga nahikalimot na kang Paulita, nakasabut sa pasumbingay, ug mibalus sa pagpangotana:
—Ug kining usa ka larawan kinsay gipanig-ingnan, Ben Zayb?
Ug mikatawa sa iyang katawang kinagaykay.
Ang gitudlo mao ang hulagway sa usa ka tigulang nga bulhog, nagkusmot ang sapot, nga naglingkod sa salog, sama sa mga balaang indiyanhon, nangutaw sa mga sapot. Ang utaw maayo kaayo nga pagkasunod: tumbaga, ang mga uling mao rag nagkasiga, ug ang aso hinimo sa mga gapas nga bulingon ug pinisi.
— Dili buang ang buhat niana, unsa no, Ben Zayb?, nangotana nga nagtalidhay si pari Camorra.
—Wala ako makasabut sa tinguha . . ., mitubag ang gumapapan.
—Apan, pastilan usab, wala ka makabasa sa ulohan nga La Prensa Filipina? Kanang galamiton nga gikuptan sa tigulang gitawag dinhi nga Prensa.
Ang tanan nagatawa, lakip si Ben Zayb nga milugos sa Pagngisi.
Duha ka sundalo sa guwardiya Sibil nga nagdala sa litra nga cibiles, gipahimutang luyo sa usa ka tawo nga ginapus sa dag-
