178
ku nga pisi, ang nawong tinabunan sa usa ka kalo: Ginganlag El Pais Del Abaca, ug mao rag hapit na pusilon. Kadaghanan sa atong mga higala wala mahimuot sa pasundayag naghisgut sila sa mga lagda sa arte, nangita sila sa maayong pagkahan-ay sa mga tulan ug mga kamut, ang usa miinggon nga kadtong larawana walay pito ka ulo, nga ang usa nakulangan sa usa ka ilong, kay tulo da man ang nakita, ug kini nakapapalandong kang pari Camorra nga wala makasabut ngano nga ang usa ka larawan, aron mamaayo, kinahanglan adunay upat ka ilong ug pito ka ulo; ang usa miingon nga ugaton da, nga ang mga indiyo dili man unta; ang uban naglalis kon kadto kinudlit ba kun pinanday ba lamang; sa usa ka pulong, ang tanan mohatag sa iyang hunahuna, ug si pari Camorra, aron dili siya mahilahi sa uban, nagsugyot nga tagsatagsa ka larawan kinahanglan unta aduna katloan ka tiil sa matag usa. Ngano man tuod nga kon ang uban mangayog mga ilong, siya dili man usab mangitag mga paa? Ug niadtong higayona naglalis sila kon ang indiyo mahimo bang maayong mangungulit kun dili, kon maayo ba nga itudlo ang maong arte, ug sa diha nga nagkalamukat na, si Don Custodio misagbat aron sa pag-ingon nga ang mga Indiyo adunay kalaki alang sa pangudlit, apan mao lamang untay ilang kudliton ang mga larawan sa mga balaan sa langit. — Bisan kinsa makaingon, misulti si Ben Zayb, nga niadtong gabhiona sadya kaayo, nga kanang insika si Kiroga, apan kon ato nga tan-awon pag-ayo mao rag si pari Irene. — Ug unsay ikasulti ninyo nianang indiyo — Inglis, dili ba parehas kang Simoun? Nangatawa na usab ang tanan, si pari Irene milugod sa iyang ilong. — Tinuod! tinuod gayud! mao gayud siya! Nga iya kanang paliton . . . — Apan, hain si Simoun? Si Simoun nawala, wala nay nakakita kaniya. — Kayati sab! pagkadaginotan ning Amerikanoha. Nahadlok tingali siya nga pabayron ta sa atong pagsulod sa salamangkahan ni Mr. Leeds. —Dili mao kana! ang tinuod mao nga nahadlok siya maapil siya. Nagpaabut na siyang daan sa mahitabo sa iyang higala nga si Mr. Leeds ug nagpahilayo.
