158
Ug ang tigulang nagpanuko, mitotok kang Isagani, ug unya, human mohimog usa ka paglaraw, namaspas sa iyang kamut sama sa nagbugaw sa iyang mga hunahuna.
— Natag-an ko ang buot mo isulti, mipadayon si Isagani, nga nagpakitag pahiyum nga masolob-on; ikaw buot sa usa ka Kagamhanan sama sa gisunod sa mga kolonya, tungod ky kini puno man sa mga apan ug walay malig-ong pasikaran . . .
— Dili, dili, kana dili! misagbat sa pagdali ang tigulang, dili, ang isulti ko unta... apan hain ang akong anteohos? — Anaa sa imong atubangan, mitubag si Isagani . . .
Si G. Pasta nanganteohos, nagbasabasa sa usa ka papil, ug sa pagkamatngon niya nga ang baton-on naghulat, miingon: — Ako aduna untay isulti . . . isulti ko unta nga, apan nalimot na ako . . . Ikaw, tungod sa imong pagka abtik, misanta kanako . . . dili kayo hinungdanon . . . Kon nahibalo ka pa kon unsa ang ania sa akong ulo . . . daghan kaayo akog mga bulohaton . . .
Si Isagani nakasabut nga papaulion na siya.
— Sa ingon niini, miingon nga mitindog, kami . . .
— Ah ang maayo ninyong buhaton mao ang pagsalig sa Kagamhanan; siya maantigong mosulbad niini . . . Ikaw miingon nga ang ikaduhang pangulo sa unibersidad dili uyon pagtudlo sa kinatsila . . . Tingalig dili lamang uyon sa paagi sa pagtudlo. Nadungog nga ang Rektor nga umaabut nagdalag kausaban sa pagtudlo . . . hulat una kamo sa makadyot, tagaig panahon ang panahon, pagtoon kamo kay eksamen hapit na moabut, ug yati ikaw nga maayo nang mosulti sa kinatsila ug larino na kaayong molitok, ngano pa man nga mangitag sakit sa u'.o? unsa may imo pang makuha kon itudlo ang kinatsila? Ako naniguro nga si Pari Florentino sama kanakog hunahuna. . . Ipangamusta ako kaniya . . .
— Ang akong oyoan, mitubag si Isagani, nagtambag kanunay kanako nga hunahunaon ko ang uban sama sa paghunahuna ko sa akong kaugalingon . . . wala ako moanhi alang kanako; mianhi ako sa ngalan niadtong nahimutang sa walay pulos nga pagkabutang.
Dakung sayop kana! mga maghimo sa ila sa imong gihimo, nga pug-on nila ang ilang utok sa pagtoon ug nga mangaupaw ang ilang ulo sama sa ako, aron sa pagsag-ulo sa akong mga lek-
