151
ayong pahimuslan aron pagbuhi sa maong komisyon, ug kay diha
man si Don Custodio, usa sa mga bokal, gipangayo nga magtudlo dihadiha ug usa ka Komisyon, ug kay hibaloan man ang
kaabtik ni Don Custodio, gitudlo siya nga maoy pabuhaton sa
hukom, ug karon ang atong pangayo atua sa iyang mga kamut.
Si Don Custodio nagsaad nga iyang ipakanaog ang hukom sulod
ning bulana.
— Mabuhi si Don Custodio!
— Ug unya kon si Don Custodio mosupak?, nangotana si Pecson.
Wala kana nila mahunahuna, sa ilang kadasig sa paghibalo nga ang pangayo dili lugpitan. Ang tanan mitan-aw kang Makaraig aron pagpangotana kon unsay angay buhaton.
— Kini maoy among gisulti kang Pari Irene, mipadayon si Makaraig, apan si Pari Irene mikatawa ug miingon kanako: Daku na kita kaayog nadaug, atong nakab-ut nga kining butanga mahisubay sa dalan sa kahusayan, ug ang atong kaaway napilit sa pagsukol . . . kon mahimo nato nga si Don Custodio mosunod sa iyang mga binag-ong hunahuna ug modapig kanato, nadaug ta na ang buroka; ang Heneral walay gidapigan.
Si Makaraig mihunong.
— Unsaon ta paghimo aron si Don Custodio modapig? nangotana ang usa.
Si Pari Irene nagtudlo kanakog duha ka paagi . . .
— Si Insik Kiroga, misagbat ang usa.
— Dili. Si Kiroga dili pamation . . .
— Usa ka maayong gasa!
— Labi pang dili maayo. Si Don Custodio nabantug nga dili pahaylo.
— Ah, nahibalo na ako . . . misagbat si Pecson nga dili pahaylo.
— Ah, nahibalo na ako . . . misagbat si Pecson nga nakatawa; si Pipay, ang baylarina.
— Tuod, si Pipay, ang baylarina, midason ang uban.
Kini si Pipay maoy usa ka maanyag nga babaye, nga kono higala kaayo ni Don Custodio; kaniya modangop ang mga kontratista, ang mga kawani ug ang mga burokinto kon duna silay
