150
siya sa iyang mga kauban, ug nga siya ang matudlo aron pagpangulo sa ilang pagpangayo nga ikatugot ang pagtudlo sa pinolongang kinatsila.
Sa mihupas na ang unang pagpahungaw sa kalipay, nga sa mga batan-on kanunay gayud nga mahimong mainiton ug madasigon, tungod ba kaha kay kana alang kanila ang tanang butang sa kalibutan matahum, nagpakisayud sila sa gisangputan.
— Karong buntag nakigkita ako kang Pari Irene, misulti si Makaraig nga daw nagpanagana nga adunay makadungog.
— Mabuhi si Pari Irene, — misinggit ang usa ka tinon-an nga madasigon uyamut.
— Si Pari Irene, nagpadayon si Makaraig — misugilon kanako sa tanang nahitabo sa Los Banos. Milungtag usa ka semana ang panaglantugi didto, siya maoy milaban sa atong tinguha batok sa tanan, batok kang pari Sibyla, Pari Hernandez, Pari Salvi, ang Heneral, ang ikaduhang Kabo, ang alahero nga si Simoun ...
— Ang alahero nga si Simoun! misagbat ang usa, apan unsay labut nianang hudiyoha sa mga butang sa atong lungsod: Ug kita nga naghimong adunahan kaniya kay mopalit sa . . .
— Hilum, miingon ang usa, nga buot masayud pagdali kon giunsa ni Pari Irene pagdaug batok sa mga dagkung kaaway.
— Dihay mga dagkung kawani nga mibatok sa atong hunahuna, sama sa Direktor sa Administrasyon, sa Gobernador Sibil, si insik Kiroga . . .
— Si Insik Kiroga! Ang bugaw sa mga . .
— Hilum diha!
Sa katapusan, mipadayon si Makaraig, lup-itan na lamang unta ang atong pangayo ug pakatulgon sa pila ka bulan, apan si Pari Irene nahinumdum sa Comision Superior de Instruccion Primaria ug gipangayo niya nga, sanglit ang gipangayo may kalabutan man sa pagtudlo sa pinolongang kinatsila, nga isang-at didto ang atong pangayo, aron maoy magpahayag sa angay pagabuhaton . . .
Apan kanang Komisyona dugay nang wala maglihok, mitubag si Pekson.
— Mao usab kana ang gitubag nila kang Pari Irene, nagpadayon si Makaraig, apan siya miingon nga kadtong higayona ma-
