man ontan balet linmaradman a mangigastos na tiptipon da
ed ankablin bató, odino panpanting a nanlalapo ed Europa.
Nasasalita ya si managlakoy alajas et kaaro nen Kapitan General tan maong labat so mikaaro ed sikato ta agla piga no antoy
anto.
Sinmabí Kápitan Basilio ya kaulop toy asawa to, si anak ton Sinang tan si manogang to ya intalagá ray mangibulos na sankamelagan lay talon liboy pisos.
Wadman met si Hermana Penchang a manaliw na sakey a singsing a brilyanti ya insipan ton iter ed Virgen ed Antipolo; intilak tod abong si Julí ya panpapatlepen toy sakey a libron melag ya inlako nen kúra ed sikato na duaran kuarta tan apa- taploy agew ya indulgensia ya impagamor na arzobispo ed amin a manbasa odino mandengel.
"Jesús!" kuanto nian marasal a bii ed kinen Kapitana Tiká; "kaskasian met la man a marikit a binmaleg dian aliling labat na oong ya intanem bilang na tikbalang!......1 Impabasak ed sikato may libron melag a karagdaisetay aminlimamplo anganko et anggapon balot so nipatlep to..... Say uló to kaparay babakó ya napno legan ton akalebleb ed danum. Amin kamin mandedengel ed sikato, pati saraman lay áso tan pusa akagamor kami lay ag onkulang ed duamploy taon ya indulgencia!"
Insapat nen Simoun ya inggaton ed lamisaan iramay duaran malitan awit to; babaleg imay sakey nen samay iba to.
"Agyo anganko kaliktan iray alajas a pilak ni saray batobáto..... Sikayo, áli," kuanton inmarap ed Sinang, "say labay yo anganko saray brilyanti....."
"Sikará tay anapen ko, máma, saray brilyantin daan, tan arum niran bató ya karaanan" kuanton inmebat nen Sinang; "di amak so manbayar ta sikara maliket ira ed saray bengatlan abangonan, lalo la ray batobatón karaanan."
Si Sinang lanang ton panagelekay pakaamta nen ama ton maong na latin tan say karaiset na amta nen asawa to balet, tan pikewet a panagsalita to nia.
"Dakel iray karaanan ya alajas ko," kuay ebat nen Simoun ya inoyos tod supot imay malitan melag. Malita ya balat-
<br.____________________
1 Kuanday pilipinon manigsisiad malimali ya say tikbalang sakey a manok a baleg ya makapataktakut so pakayari to.
