yang ya iniinay parakep to ran gansa tan malmalet iray talakan to ya masuliwet iran lukasan.
"Wala ra diay awit kon kuintas nen Cleopatra,1 petepeteg irayan aliwan inalig, a nalmo ra ed saray pirámides;² singsing da ray senadores tan ankablin totoo ed Roma ya nalmo ra ed utel day aderalderal a siudad na Cartágo³..."
'Anganko saratan iramay singsing ya impaitolor nen Anibal4 ed Roma kayari bakal ed Cannes!" kuanen Kapitan Basilion impano, ya mabinbinta tan giwgiwan ed liket to. Ta anggaman ontan lay karakel na binasa ton nipaakar ed saray inmonan panaon, manlapod anggapo met iray museo5 diad Pilipinas, agni akanengneng a balot na anggan anton bengatlan akikalamit ed saraman a panaon.
"Wadia met iray ankabli ran ikaw na mablí ran inkatoon bibii ed Roma ya nalmo ra ed abong tod paway na báley nen Annio Mucio Papilino ed Pompeya6....."
Si Kápitan Basilio mantanger a pangipatnag ton amta ton amin iramay ibabaga nen Simoun tan pangipatalus to met na pilalek tan ganat ton mannengneng na onman la ran karakel tan dakep na nambabangil iran atilak a pakanunotan ed pa naon iran linmabas. Say kuanda ran may bibii balet so labay day makasaliw na bengat la ran nanlapod Roma ya singa bilang balsakan iran benendisionay Papa, ono antokaman a makapaandi kasalanan ya anggan ag la ra ikonpesar, etc...
Nen alukasan nen Simoun imay maleta tan inekal to may makapal a kapés ya inian ed tapew, anengneng so bandeja ya napnoy akamayamay iran singsing, relikario, bitin iran pananginay ritrato odino buck, kruz, tolaing, etc. Saramay brilyanti ya akumpog iran kalauk da ray arum ni ran batón nambabangil iran kolor, mankidkidiam iran manyegyegyeg pisalet-
_______________________
1 Reina ed Egipto ya bantog ed kalimgasan to. Inasaway general Marco Antonio; kayari bakal ed Accio saya nanbitkel, tan nen naamtaan nen Cleopatra, nanbitkel met ya impaketket tod uleg so pagew to.
2 Lubak da ray arári ed Egipto.
3 Nibantog a siudad ed Túnez, Africa.
4 Bantog a maong a general ed Cartago ya aminpigá to ran tinaloy roma- no, balet ta nen tinalo ra ed bakal na Zama, nanbitkel pian agda narakep a mabilay.
5 Abong odino pasen a panangiatolan na nambabangil ya ankabli odino karaanan a nipaakar ed nambabangil ya aaralen, ono kakabatan.
6 Siudad a walad dapit bukig-abalaten na siudad na Nápoles ed Italia, ya sakey a 24 kilometro so kaarawi tod saya.
