ed nanduruman polí, no amin day kabansaan et manbibilay
la rad kawayangan ya andi impuksil, no anggapo la ray masulit a manouley, ni aripen, bansa ran ouleyan tan inanbansá, no say katonungan et manesial; a manouley ed sansinakoban
tan say too et kipapasen toy mibabaley ed sankamunduan, bukor labat na panangigalang ed kakabatan so natilak, say salitan panangarod báley a nianakan manmaliw lan alablabás a
pananisia, tan diad satan say sakey a toon mangipaspasirayew
tau mangipampangta na kanunotan tan gawgawan nipaakar
ed panangarod dálin a nianakan, manmaliw lan singa sakey a
nanaambagel ya italak da angankon ipaliis a singa asakitay
mauges, onó singa sakey a mangguloy deen na togiop day
katoowan."
Akaimis na maerermen si Simoun. "On, on," kuanton manpeyeng;" balet ta kasakbayay pakarapat nitan a kipapásen, nakaukolan ya anggapo ray bansan manouley na masulit tan bansá ran aripen, nakaukolan a say too et walay kawayangan to iner may laen ton pasen, tan amta ton galangen ed pankatonungay siopaman so pankatonungan ton díli, tan piano nasabi ya, nakaukolan so yagos na dakel a dalá, kapilitan so baleg a tulot..... Diad impangitalirak ya impanalo ed gendat ya alablabas a pananisia ya manmemesmes ed panagnunot day katoowan, akaukolan a dakdakel so pinápatey a pinopoulan a mabilay ed talaksan ta piano diad makapataktakut ya inkakebiew na matonung a panagnunot na togiop na katoowan et apilit ya angipasout na kawayangay panagnunot na sinansakey. Nakaukolan met ya amin tan sakey tan sakey et naebatan toy agewagew ya ipapatang ed sikaray dálin a nianakan diad pangiawat ton pangipapanengneng na lima to ran ginolonggulongan. Say panangarod dálin a nianakan nayari labat ya ompasen a kasalanan ed saramay bansan mamapaunong ta diad satan kabaliksan toy panagsamsam tan panagtakew a bininiagay mababig a ngaran, balet ta anggan antoni nasabi ray totoon pinalsa ya ayadyarin kaabigan say panangarod dálin a nianakan lawas magnayon a sakey a ugálin masuri ed saray totoon napapaunong ta anggan kapigan man, kabaliksan toy panangarod katonungan, kawayangan tan dilin kagalangan na inkatoo. Kanian paulian la sirin iray kugip ya ag man ontua, saratay masamsamit ya anlong na aroan ya onnepeg labat ed panagnunot tan liknaan day bibii! Say kitandoro tan pakayari too
