Akaimis si alajiro.
"Antoy kabaliksan day sakisakit na laman no isimbang ira ed saray ermen tan sulit a liliknacy kamarerua ey?" Kuanton tinepet." "Anto bilang so kabaliksay ipatey na sakey a too ed ipatey na polok day katoowan? Nayari pa lágin nasabi agew a manmaliw kayon nadayew a maong a manambal no paulian da ka yon mantambal ya agda kayo sigensigenen; balet ta nipasen nin lalon atagey imay makapangiter na balon bilay ed sayan bansan agmakayarin makulang na dalá. Sikayo natan, anto bilang so gagaween yon onkanad kaabigay báley yon nianakan, báley yon angiter ed sikayoy bilay tan mangiiter met na amin a naaral yon kakabatan ey? Agyo pa lági amta ya anggapay kakanaay bilay no ag italagá ed pakagamor na sakey a masurin kaisipan onó pamaakaran? Andi dumá tod sakey a batod kaumaan ya ag kinmanan impamaalagey na antokaman."
"Andi, sinyor," kuanen Basilion maoyamo, "agko man mantatalikepkep a manmemeneng, mankikimey ak ya unong met na pankikimey day arum ta piano diad saray nakdaan a tebagtebag na linmabas la ran panaon et ontalindeg lamet ya onbolaslas so sakey a báley a saray totoo et manlalaktip iran mantutulongan a sakey tan sakey et nalikna ted inkasikaton. dili so maptek a panagnunot tan bilay a pannanabangay karaklan. Balet ta anggan ontan lay liket na linawa tan ilalo min tubonbálo natalusan ni met ya diad sayan alay kinabaleg a panagkimeyan a togiop day katoowan, nakaukolan ya apagapagen so kimey; siak pinilik lay nabebetangan ko,— say pangitalagak na inkasiak aya ed pakagamor koy kakabatan."
"Say kakabatan aliwan sikatoy pansumpalay too," kuanen Simoun.
"Sikatoy aarapey lapag day kabansaan ya atagey so asabí ran aral."
"On, balet ta ikakana ra labat ed pakarapat day pirawat dan panliket."
"Say kakabatan ag mangangga lalon makaná ed saray katoowan, tan onkaná ed sansinakoban!" kuay ebat nen Basilio. ed baleg a layap na linawa. "Diad loob na pigan lasus taon, no saray katoowan et nagnap larad kakabatan ya paraparan alukasan lay kanunotan da, no agla ra nanbibiigan nisesengeg
