nas..... Agda kayo itday mogmon ilalo? Maong! Agkayo
maniilalod sikara. manilalo kayo ed inkasikayon dili tan saray
kímey yo. Agda kayo abuloyan a mangibaki mangilaman ed
sikayo ed Cortes?1 Lalon manabig! Anggano nagamoran yo
ni bilang so mangibaki ed España na diputados2 a mangilaman ed sikayo ya pinili yo ran apakpaknaan, antoy nagawaan
dad man ey, et aglan lamang ira makatutot, sankanengneng lan
natabonay bosis da ed karakel na arum iran makbaw a bosis a
ondepdep. tan manmaliw nid satan a diad kiwala rad man et
singara miaábubon ed saray lamés tan aliwa ran nagawa naani?
Kuanto mas daiset so birbiren dan pankatonungan yo natan.
mas dakel so pankatonungan yo naani ya mangiwaklit na belat
na panouley da tan mangibalés a sinansakey ed ginagawa rad
sikayon kaugsan. No agda labay ya ibangat ed sikayoy salita
ra, pabona yoy salita yon díli, ibuyak yo, bini yon ag dederalen ya itilak ed báley so díli ton panagnunot, tan inbis a panpilalekan yo so manmaliw labat a lúyag na sananey a bansá,
takpan yon nasabi so kipapasen a bansá; inbis a kanunotan iran
aligalig tan tumbotumbok, mannunot kayoy kaisipan yo ran
díli, ta piano ag nasabin nagawa ya nisesengeg ed saray pankatonungan, saray ugáli, tan say salita et nipasey kastila diay
laman to ya singa walan manouley ed abong ton díli, odino
nipasey báley a kalamanay bansá, no agta nipasen lawas a
linmoob dian angaripen ed báley, wadian singa labat sankaili
ono dápo, tan diad ontan, naabala may magano, nasabin nasabi agew a pakala yoy kawayangan. Sikato yay makasengeg
na labay kon panbilayan yo!"
Akalinaway Basilio ya singa bilang nakal so ambelabelat a sasakbaten to tan oniay inebat to ed nagogonoyan:
"Sinyor, diad ontan lan impamagalang yod siak ya impía yod siak iray kanunotan yo ran gaween, onkulangak ed sikayo no agko ibagad sikayoy katuaan ya say kakaukolan yod siak et agko nasarag. Aliwa ak a polítiko, tan no nanpirmaak ed ikekerew na pangibangat diay salitay kastila, andi arum ya akasengeg no agta inisip kon onkanan kaabigan ed panaral. Say aarapen ko sananey, say alenleneg a pilalek ko say pakapalemew koy sakisakit iran liliknaen da ray kabaleyan ko."
____________________
1 Diad saraman a panaon sikatoyay ngaray Congress dad España.
2 Pananawag nen saman ed saray Congressmen.
