andi ed pakapalakbat to ed gagatinan ton onkokurang a panaon
ta sakey ni et agmet ya nayari, no agta walad pakatalus ton
petepeteg na pilalek to nian panaon, pakapangiter to ray nakaukolan to, tan pangitonton tod sikato ed isulong ton ikurang.
Saratay totoon nidumadumad tagey na kakabatan a diad pakaisip day karaklan a diad kabat da et napapalakbatan da lay
panaon da, ontan labat so pakanengneng, ta say manotutol agtora nanaasinggeran odino nababaloan to lágin onkokurang a
panaon so ikol a kokurangan da ran may natitilak!"
Tinmonday Simoun. Nen sankanengneng ton agton balot natenyeg so liknaan nen Basilio ya agto naliing a napabilay so layap na linawa ed saman ya aliling na kinmigtel a kamarerua, sinali tod sananey a pamaakaran tan tinepet ton lat na tonoy bosis:
"Anto balet so gagaween yon inonunot ed kindi ina yo tan si agi yo ey? Masarasarag yo la tay onla dian tinaon a, ya mannangis ed tapew na lubok a singa sakey a bii?" Insan to inelek a napnoy balaw.
Apikay Basilio; abaliw so lupa to tan akakurang.
"Anto bilang so labay yon gaween ko ey?" kuanton nasnokan. "Anggapon kuartak, anggapoy selengen dan inkatook, nagamoran ko kasi kadúsa ray amairap tan amatey ed sikara? Naalig ko ra labat ya aliling koy salming a nipaspas a namisimisi ed masekder a baton baleg. Anggapoy kabaliksay pangipanunot yod siak ta singa yo labat pasisimbaloen ya andi kakanaan so sakey a sugat!"
"Et no tulongan takayo ey?"
Pinmeyeng si Basilio tan nengneng toy mannonunot.
"Amin a nagawaay katonungan a pangipulang na apaandin kagalangan, amin a mauges a ibabales a nagawaan diad tapew na dálin, agda napabilay so anggan saksakey a buck di inak. tan agda met napauli so anggan mogmon sakey ya imis ed saray bibil nen agik! Paulian la ra sirin a manpainawad kareenan..... Ta anto bilang so naalak no ibalesan ko ra ey?"
"Say pakabaat yon liknaen day arum so nilikná yo ran kairapan, say pakasbel yon diad árapen et walara lamet so anak iran pateyen tan iná ran napasout a naambagel ed panirap da. Say tepel aliwa lawas ya ugálin masuri, kasalanan ni ingen no makaiban mamaboná ed sakey ya uley a masulit.
