lawari palandey. Binatak nen Basilio may kulos ya nilolukso
ton tinotunton iramay batobatón napapaaninagan toran magmagket dimad danum a mankidiam, kinalab ton nilabasan
imay pokdol, tan amaarap ed sakey a nisukong a pasen a niliktob na datdaan tan natetebag lad arum iran pasen a padir.
Pinunta to may baliti ya manalaglagey dimad pegley a balba
leg, mairap a baliksanan, napnoy galang, nantetekep
manpatagey, manpalosor iran aliling day akamayamay a sengeg
a nankakawetan ya agotgot.
Tinmonda ed petek na sakey a bonton na bató, inekal toy sombrio to tan nengneng toy mandarasal. Wadman ya impunpon si iná to, tan say ononaonan dadalawen to kapag onsabid saman a báley, saman a lubok ya anggapoy mangaasikaso, tan makapikabat. Manlapod dalawen toy boleg nen Anakbanwan Tales ed kaimbuasan, sasamboten to lay lábi ya panumpal ton man a nabebetangan ton sumpalen.
Inyurong tod sakey a bató tan singa mandadalepdep. Singa onlalabas ed matá toy bilay ton imbeneg, ya aliling nat andukey a sintan andeket, a rosarosan maligliga cd gapó, insan inmuriem, amanmansaay dalá, insan andeket ya agay lay deket, insan nanmaliw a kolor na dapol tan nankalkalnan manliliwawa. Say sampot agto ni nabantag ta singa asanibay lurem a pakapaaninagan to labat na silew ira tan liwawan ompepelnak.....
Labintaloy taon la natay linmabas ed saya lan lamang ya agew tan oras so impatey nen iná tod man ed baleg a kasegsegangan, diad sakey a lábin managaag so bulan, tan saray kristiano ed sansinakoban et aparpara ran manliliket. Sugatan tan mankitlaey, akasabid man ed impantomtumbok tod ina to, tan saya, ambagel tan aliling na aninon asilok, ibabatikan toy anak to. Diman inatey; insan sinmabí sakey a lakín agto kabat ya angiganggan ed sikaton manggaway talaksan tan imbaga toy pasen a pangalaan toy kiew; sikato, tinolok ton agto naamamtaan, et nen ompawil balet asabian toy sananey lamet a lakín agto met kabat a walad abay na bangkay ton may akaona. Agay lara man a lábi tan kabuasan! Inibaan ton may toon agto kabat a nanggaway talaksan tan diman da pinoulay bangkay ton may sakey, nankutkot na abot ya angitabonan dad kinen iná to, insan to initday pigaran kuartan pilak tan imbaki to lan pinataynan. Saman labat so impaka-
