na parol a papil ya impupotan ed ngoroy kawayan, tan dadasalen day rosario ya inbando ya alabas nen walay pikokulkolan
da. Diad beneg da manomtumbok si San José ya impatoon
ed makapkapoy ya andas, lupa toy napnoy tepel tan maermen,
tayokor toy nanrosas na asucenas tan pinegley na duaran guardia civil, a singa bilang inerel dan ipangaw; natan la atalusan
nen kutsiro no akin ct onman lay ermen na lupa ton
may santo. Tan nayarin diad inkakusoy nunot to ed impakanengneng tod saramay guardia civil, odino anggapoy masiadon panangigalang tod sakey a santon onman iray kaulop
to, ag nandasal na ni sakey a requiem aeternam.
Diad beneg
nen San José nitan la ray ugugaw a bibii ya nanaawit met na
kandilan sinelselan, nanpapandong iray panyon binuknol ed
silong na baba ra, tan mandarasal met iray rosario, balet ta aliwa
lan singa petang na uló da ran may ugugaw a lalaki. Diad
pegley na dasig da walara met so ugugaw a lalaki ya manggagayugoy na konijo ran papil na Japon a tinerekay sinelselan
a kandilan ambalangá ed dalem, tan akaalagey so ikol dan papil met a ginilitgilitan. Saramay ugugaw awit da ra man
galawgalaw a pamaliket dad inkianak na Mesias. Tan saraman ya ayayep a matataban malimlimpek iran singa iknol, ontan lay nanengneng a liket da ya no arum makalukso ran bigla, nalituang irá tan natumba ran napoulan. Samay akankien
ed satan agto amtay gaween ton manebseb nimay mandayabdad a papil, sibok a sibok, paspas a paspas tan diad pakanengneng ton aderal pannangnangisan to. Samay kutsiro nanaimano ton singa nanaermenan, a tinaon a manbawas so polí da ran
may ayayep, ya alabas nen nasasalot met iran singa saray ayayep a mabilay. Sikato, ya say pananawag day totoo et Sinong
ya abakbak nanunotan to ra may duaran kabayo ton agay lay
abig da, ya ta pian ag ira nasalot et impabindisionan to ran
unong na bangat nen kúra ya nanggastosan toy samploy pisos—
ni say Uley ni saray kúra anggapo manayay makaamtay pasakbay ed epizootia¹— et inatey met lan lamang ira. Ontan man,
makaliligliwad sikatoy nanlaped inkawalsikan day danum
bendita tan nisengeg lágid insasalita nen párin latin tan saramay arum nin ginagawa to, saramay kabayo nanpatulo ra ya
ontan lay impanpatagey da ya agla ra paisagor, tan sikato met
kalamor, ta maong a kristiano lanti antakot to met la ran la-
_____________________
1 Sakit na kabayo, salot bilang.
