tan maong ya ugalin kaolibay nen agi ton bii, nalan quinto,1
tan pinaulian ton sinmipot ya ag analiw na sandi to.
"Nakaukolan kon bayaran iray abogado," kuantod anak ton bii nen saya et mannangis; "no manaloak ed kulkol mainomay kon papawilen, et no nataloak met anggapo lay pankaukolan koy anak iran lalaki."
Sinmipot si anak to tan anggapo lay nangnangelan a nipaakar ed sikato no ag bukor labat na pinoklisan da tan say ougipan to diad silong na kariton. Kalabas na anem bulan, binmawag so balita ya anengneng dan akalugan ed sakayan a mamaarap ed Carolinas; walara met so mangibaga ya singa anengneng dan akasulong na kawes na Guardia Civil.
"¡Guardia Civil si Tanó! Susmariosip!"2 kuanday amin a makakangel a mandakudakop ira; "si Tanó ya makalkalakal tan maong a too! Requimiternam!³
Andukey ya agew a si láki et agto akisalitaan si amá; ininagem nen Julí, si Anakbanwan Tales balet anggapoy tinmerter a mogmon lua to; duay agew ya ag linmasor cd abong a singa bilang tatakutan toy napnoy túring a kanenengneng dad sikatoy amin a totood barrio; mapagpagan tawagen dan amatey ed dílin anak to. Diad komatlon agew balet sinakbat toy paltog to tan inmakseb la lamet.
Kuanda ta mangigagaem a mamatey tan wala met lay diad maabig a gagala et inesaes ton nangel toy Tales ya angibagan ikutkot to may oldog diman ed nanselangay dalay lukoy to; mapalaloy inkataktakut ton may pári, tan nisesengeg ed saya, angipaakseb si Kapitan General na ganggan ya insebel ed amin a tooy panbenben na paltog tan impakelkel to ra yan amin. Apasout si Anakbanwan Tales ya angiter na paltog to; balet ta agto intonday panliliber to ya akakaluban na andukedukey a barang.
"Antoy nagawaan ton tay barang ay ey et dipaltogan iray tutulisan?" kuan ed sikato nen masiken Selo.
_____________________
1 Nen Uley na kastila diad Pilipinas no nasabi conscripción ono panaon a panangala ed saray mansondalo natawag iran ami lalakin tubonbalo ya susto lad taon. Say pananawag ed sarayan naalan sondalo "quintos." Saray boleg a walay pankanawnawad bilay, no agda labay a pansondaloey anak da manaliw iray isandi ra ed saramay duká ya susto met ed taon. (Onia met so naugalian ed España).
2 Impantetekep a Jesus, María tan José.
3 Requiem ueternam so suston panangibaga. Dasal ed latin a para saray inaatey a say labay ton ibaga Painawan andi anggaan kanian ipapasen da la sirin ya inatay si Tanó.
