pakaawat na ipapawit ton binulan et anggapoy panbilay to.....
Tan amin da ran man ya okum, a totoo ran masumpal ed nabebetangan da, tan maptek a panagbilay, inisip dan susumpalen
da met lay anggaay nayarian da ed pangisisimbawa ran manpapapaabigan la ray biek tan biek, ya onabuloy komoy Tales
a manbayar na kekerewen dad sikaton kánon. Anggapo ta si
Tales, unong ed naugaliyan day totoon yanoyanon panagnunot,
diad impakatalus toy dalay katonungan, ag napiing a matintinunos a dimay labay ton arapan. Kakaukolan to ray pakanengnengan, saray dokumento, saray titulo a pakapatnagay pankayrian,
tan saray papári anggapo met so nipaway da no agta panmamatalkan da labat lan pangikukukoay apalpalabas lan pakakala
ran lanang na labay da.
Si Anakbanwan Tales oniay kakacbat ton lanang: "No inagewagew a papayábulan koy sakey a duká ta piano agtoak sagutsagoten, wala kasi makapasout ed siak ya agko tondaan ya itdan no lolurlouren toy panangasik ed sikato?"
Tan anggapoy makapiing ed sikato ed saman a panagnunot tan anggapo met so nagawaay anggan anton panamagiaw. Si Gobirnador M — nanbaroy a ginagala ton pinegdat ya akisalitaan tan tinaktakot, et anggapoy agawaan to; apasakey so ebat to ya onia:
"Nayarian yon gaweey labay yo, sinyor Gobirnador, siak sakey ak a malétey ya ag nanaral. Balet ta pinalinan tan dinalosan kora tan ya úma, say asawak tan anakon bii inatey ira ed impangiba rad siak a nanpalin, tan agko ra ipalúgar no ag diad samay toon pansagpotan to ray mas nen say impansagpot ko. Nakaukolan a salugen to ni ran ononay dalá to tan ipunpon to met ditay asawa to tan anak to!"
Nisesengeg ed sayan awet na uló to, saramay maptek a panagnunot ya okum impanalo da ra may papári tan amin a too elekan day Tales, tan inkuan dan aliwan say pankatonungan so panáloan ed kulkol. Si Tales balet inmapelo, pinano toy bala may iskopita to, tan matantantan a manliliberliber ed saray ketegan. Diad sarayan agew say panbibilay to singa labat palaran. Si anak ton Tanó, balolakin kapara to lad katagey
