ed impakabitlad sayan ngaran, ya ninunot to lara di Abraham,1
Guzman el Bueno2 ono anggano si Brutus3 labat tan arum ni ran héroes a sasalitaey awaran.
Say onman lan panangibágat ag nayarin ag natumangan. Say dios day sumusulat ed palapagan napnapday linawa tod kinen Abraham-Ben Zayb.
Nibansag la wari insabi angjel a reporter a nanawit na karniro ed nengneng balet na inloob day mamatakew ed abong a panagpainawaan day papári ed paway na báley ya impasen ed gilig na ilog na Pasig, ya nibanan panbabakasionan day pigaran papárin pamápalabasay panaoy ampetang. Sikatomay tatalaranan ton nagawa tan si Abraham-Ben Zayb inggalang tan akisalamat ed dios to.-"Saray tulisan nala ray masulok a duan liboy pisos, sugatan iray ankakabaleg so sakey a pári tan duaran igaganggan da..... Say alenleneg ya impilaban nen kúra sakey a yurongan ya amekmek yad lima to....."
"Alagar kayo, alagar kayo!" kuanen Ben Zayb a masigsiglat a mansusulat;.....apataplo ono limamplon tutulisan a liputan....saray ribolbir, barang, escopeta, pistola....lion ya akulong.....yurongan..... amekmek.....sugatay aralem.....samplon libon pisos....."
Tan diad liket na linawa to, kulang to ni impanungtong dad sikatoy agawa, tan linman dildili pian nanengneng toy pasen, a legan tod dalan totogiopen to lad nunot toy pangisalaysay tod impanaarap dan impantutulot, tan pangibeliaw ton pangitandurod samay pári. Onkalat kasi matangas ya impansalita bilang nen pangulo ray tulisan? Pigaran salitan nantarok na panlemlemew ya inebat nen pári? Amin iray marakep a pana-
_______________________
- 1 Patriarca ray judio (totoo ed bansay Judea say ngaran tonian ban-
sá natan Palestina). Diad saraman a panaon ya abaybayag nid inkianak na Katawan tin Jesucristo, say naugaliyan a panangigalang ed Dios tan panangipatnag na arod Sikato say pangibagat ed Sikato ya poulan ed tapew na talaksan a bató so sankaabigan iran bongay dálin ono ayep day totoo. Sinubok na Dios Amay panangaro tan katutulok nen Abraham ed Sikato ya kinerew ton say pateyen ton ibágat et si alenleneg ya anak ton ugaw a lakí ya Isaak. Anggaman naskey na ermen so pusa to, tinmolok si Abraham tan inakar tod palandey si anak ton ibágat, binalar to tan inyan to lad talaksan, et nen kuanto lan pateyen, tinawagan lan lamang na Dios a binaat ya imbagan masulo sulok lay impakasubok tod panangaro to. Tinmalimokor si Abraham ya akisalamat tan angigalang ed Dios, tan pinalesay Dios ed abay tay sakey a balibalin karniro ya sikatoy imbagat nen Abraham.
- 2 Héroe ya kastila a sikatoy anamsam na Gibraltar ed saray Moro nen 1308.
- 3 Lucio Junio Brutus, balitadon romano ya sikatoy omagtik ed saray Tarquino ed Roma, tan angiletneg na Repúblico ed Rama nen taon a 509 kasakbayay inkianak nen Jesucristo.
