Diad liknaan nen Ben Zayb singa ra pinatey so sakey ya anak ton maong a lakí, mabayani, ya inanak tan pinabaleg ed baleg a irap tan sagsagpot. Iner natay napangikanaan a kalatan ton man a marakerakep a catilinaria1 ya sinkaabigan a pangiparungtala pangipaamta na lawas maparaan, mapasang tan ambelat a pananusa ed saray mauges a totoon makagaway kasalanan ey? Insan ontaynan la nimet ed Pilipinas ed loob na sakcy ono duay bulan, tan agmet onkana man a insulat to ed España, ta, panoy pangibaga to ran man a pauges nipaakar ed saray mauges a totoon makagagaway kasalanan ed Madrid ey, et dumad may panagnunot, aanapen irad may kipapasen ono agawa ran makapalemew na kasalanan, simbangen iray agawgawa, walaray pigaran turoen a mangokum, etc., etc.? Ipapalapag iran singa saramay gawa to, aliling da ray mal asamal ya álak a gagaween ed Europa ya maong ira labat lan ilakod saray negro, good for negroes, a say akidumaan da labat so saray negro et no agda ra inomen ag ira nasamalan, sara balet so isusulat nen Ben Zayb basaen iray pilipino may andi dakel so nagawaan dan kaugsan.
"Maong labat komon no walay nagawan kasalanan nabuas ono nabuas a sakey!" kuantod kabukóran to.
Tan diad pannodnunot tod saman ya anak ya inatey kasakbayay kigalot to, rosas iran pusó nin atatán kinmebet ed betel, akaluá tan nanpales a laen ton nengnengey manangikurang na palapagan. Saya sinintak to ray abalá to; insebel nen Sankatageyan a General, ta no ombawag ya pitoran ankabaleg a dioses et anggapoy agawaan dan abiglaan ira tan atakewan iray toon bengat.a anta sankaegnaan da ray turok tan yóro, baleg iman a makapaabebad galang na Inan Bansá! Kanian ingganggan ton ag anapen so lamparaan may matakew, tan inbilin tod saray ontumbok ya onsalat ed sikato ya agda ipalaran so mangan ed iner man ya abong a partikular no ag ira aliktob na alabarderos² tan guardias. Tan manlapod marakel ed saray akapikabat agawgawad abong nen Don Timoteod saman a lábi et empliados ira tan militar, mainomay iran pinaandi agawgawa, ta say sasaniban lantí et say galang tan dayew na Inan Bansá. Intewek la nen Ben Zayb so uló to ya napnoy tepel tan lingkor
_______________
- 1 Impongigaran ed apatiran diskurso nen Cicerón a sungpad Catilina.
- 2 Alabardero — Sondalon say armas ya eegnaan to et inngaray "alabarda" ya mialaan ed gayang et mas andukey so utok to.
