nawag tan panangipara ya inggagana ton intalagad kinen Sankatageyan a Kapitan General, si pári Irene tan si pári Salví,
singara ginaggagalan onkana ed kinen párin súgatan, tan samet
so impangibagay itsura ton may matakew, makalakalat ed sakey
tan sakey ed saramay tutulisan. Say impangisamba nayari nin
panoan, nayari met a salitacy religion, say pananisia, say panangasi, say tanol day kampana, say utang na linawa ray indio
ed saray papári, nayari met so onsibeg tan mamasibeg ya ikana
to ray masamsamit tan makatenyeg iray puson pananalitan ikakana rad kansion ya inalig ed pananalita nen Castelar.¹ Saray
mamarikit ed kapital basaen da insan dad satan ikuan:
"Talagan sayay Ben Zayb mabayanin singa leon tan maulimek a singa kilaw na karniro."
Baleg so kelaw to nen say asabí ton sugatan et andi arum no ag si pári Camorra ya imbaki provincial a manayam ed saman a bakasionan ya abong a dusay ginagawa ton kabaglan ed Tiani. Walay sugat ton melag ed lima tan bokolan ed uló ed inkatibakiar to; taltalora ray tulisan ya alenleneg ya armas da barang, tan say atakew da limamploy pisos labat.
"Agnayári!" kuay Ben Zayb; "agki la oncesel.....agyo amtay ibábaga yo!"
"Akin lamet et agko amta, puñales!"
"Makulangkulang kayo amó!.....Nakaukolan ya aliwan satan labat so bilang day tutulisan....."
"Ay saló! Agay lay inkabantiwel tonian too ay.....'
Nanalaan iray salita. Say tatakpanen nen Ben Zayb say nikana to may insulato, kanian labay ton pabalegey agawa ta piano onkalat imay impangisampot ton singa diskurso.
Apultot so supiatan da ed insabi bálo ran nangelan. Saramay narel a matakew nanpaliwawa ray makabaliksan. Imbaga ran sakey ed saray tutulisan ya kaiba nen Matanglawin (Anakbanwan Tales) sinipanan to ran manbabana rad Sta. Mesa ya iba to ray totoo to, ta insan da looban ya takewan iray konbinto tan saray abong day mamayaman..... Ulopen iray sakey a kastilan atagey a lakí, kayumanggin kolor tan ampoti buck to, ya kuanton manosumpal na ganggan nen Kapitan General ta kaaro ton maong; impasiguro to met ed sikaran ondagop iran
__________________
1 Emilio Castelar (1832-1899 ya nipapasen ya analonggaring ed saray domidiskurson kakastila.
