kaabay kon Simon ct inseksek dad pangawan insan da pine
pekpek ta anggapoy nisalaysay tod sakey a takew ya agawad
asingger ed abong to, ay ina!, initdan da labat na duaran ikapat
tan kapaldua, tan sakey a baliber na bawang, impaway nen
eskribiente. Anengneng koy Simon, kaskasian a, ngalngalin
ag makaakar ed inkairapan to tan nandukol a katiktikeyan la
tay sakey bulan. Ay agi! abulok balet so ebet to ya sikato
lay inateyan to kalamor!"
Amin inmabubon ed bangat nen hermana Balí, tan sikaton díli linma ya akisalitad kinen eskribiente. Initdan nen Julí pisos insan to pinanoay pigaran pirason pindang ya olsa ya inanop nen laki to ta si Tandang Selo pinmawil lamet ya mangaanop.
Si eskribiente agtora balet natulongan ta si periso walad Ibale, et anggapod man a balot so pakauley to.
"No dia labat komon ed kapital na lúyag, maganggana....." kuanton pangipangta toy pakayari to. Amta nen eskribienten petepeteg a kapaway ed Tiani anggapo lay nagawaan to, balet ta nakaukolan a sekderan toy kadadayew to tan sakey ni agto labay a bulosan imay pindang ya olsá.
"Balet, nayarian takayon ibangat ed maong a gaween yo." kuanto; "laka yod kinen Juez de Paz, ya iba yoy Julí! Nakaukolan ya onlay Juli!”
Si Juez de Paz sakey a toon magasal so galaw to, balet ta no nanengneng to angankoy Julí ngalngalin apigeren toy daiset; si eskribiente amtato ya, kanian papaawit to.
Mabinbintan dinengel nen Juez de Paz si hermana Balí ta sikatoy mangisasangi ed saray iba to, balet ta takew takewen toy matay Julí ya saya osdong iray matá to ya ngaingalin onlereg ed kababaingan tc. Ibaga da la lági totoo ya mapalaloy panangiansákit tod Basilio, ya agdala nanunotay kabaleg na utang ton linawa, tan unong na dengeldengel nimet et sikatoy akasengeg na inkipangaw to.
Kayari nen Juez de Paz a sinmirak ya amitlo ono amipat ta wala yan sankabandayan ya ugáli to, imbaga ton say alenleneg a makapangilában ed Basilio si pári Camorra, no bilang ta labay to, —insan to limgisey Julí nantarok na kabaliksan. Bibilinen to ya salien toy misalitan dildíli ed kinen kúra.
