dumog da, et si kúra balet, panpinsiwen to, piriten tod eleng
tan diad aping, galawgalawen ton kinkindátan, insan manelelek
ed satan a karuten to. Si Juli akasengeg na nanbabastonan nen
pári Camorra ed pigaran tubonbalon manliliberliber ed barrion
aminsan a mamcpetek ed saray mamárikit. Onian saramay
mainap et no napapalabas dan osdong a mabinbinta, kuandan
ipangpangel ed sikato:
"No labay to labat, na indultoan a tampol si Kabesang Tales!"
No onsasabid abong si Julí ed satan ambibilunget so lupa to ya manligab iray matá to.
Aliwan dagdaiset lay naumanan to; abalang la may likeliket to, agla nanenengneng ya oniimis, mataltalag ya onsalita. tan nanmaliw a singa antakut ton pati nanengneng so lupa tod espejo. Sakey ya agew anengneng dad báley a kakauring so muling to, anta gendagendat a mapalimgas tan maasikasod panangawes to. Aminsan tinepet tod hermana Balí no saray manbitkel et napelag irad impiernos.
"Anto sirin ey! Anggapoy sapo!" kuanto nian inmebat, insan to tinungtong so itsuray impiernos ya alabas nen nanlapó lad man.
Nen nipangaw si Basilio, saray manunot a kakanayon to ya ontan lay panamirbir day utang da ran linawad sikato, iimanesan dan gagawecy anggaay nayarian da ed pakatulong da, et anggapo ta kulang kalamor a talomploy pisos so apapaway dan kuarta, tan si hermana Balí ngolay akanunot na sankaabigan lan gaween.
"Say maong a gaween, ipanon tayod kinen eskribiente pian nibangat to itayo," kuanto.
Diad panagnunot da ran man a magter a pakatalus a too, si eskribiented tribunal aliling to lay oráculo ed Delfos1 ed saray griego.
"Itdan labat na binting insan pataba koen, idalatdat to lad sikan amin iray onkukurang a totuntonen a ganggan a singa la ombabaleg so ulom ed pandengel mod sikato. No walay pisos mo ilaban tokan anggano wala ka lad bitáyan. Nen si
______________________
1 Talintao ed siudad na Delfos ed Grecia ya diad pananisia tay griego nen inmona ran panson et sikatoy manangipakabat tan managipasakbay na ansabí. Kanian no mibabakal ira odino walaray arapen dan makabaliksan, saray papari ra ipanon dad sayan talintao.
