tan agto nauksoy a napantotogiop so kanunotan to; mangganunggong iray layag to, maninget so pagew to, tan linmiknad
sikaton saman ya inkagawa et baleg so gawaen ton deral ed
bilay ton arapen. Ontan man agto nin siansia iter so ilalo to,
akaimis, ta inisip to warin gagalawen nen hermana Balí, anggaman ambelat a panaggalaw, et andibáli la, inkuanto, itepel to
la dapot no ibaga to lay tua ya manggagalaw labat; si hermana
Balí balet impankurosan toy tangan to tan tamoró to insanto
inangoban a tanday katuaay ibábaga to. Diad saya, apunas
kalamor so pakakaimis nen Julí, pinmesiaw a maong so lupa
to, singa nauyos ya ami pukel to, tan atumban naalimureng ya
inmonaunan inkagawa toy onman ed bilay to.
Nen inmolí liknaan to ed pitpit, karut, walsik na danum tan inaaplos dad sikaton benditan bulong, insanto abilibili agawa, manaklebey iray luad matá to, ya mannangnangis labat kalamor ya andi esel. andi sibek, andin tagleey! Say nonunoten to so say alenleneg a manotúlong ed Basilio si Kápitan Tiago, tan natan ta inatey la ya, anggap lay mangiagel ed sikato ya mangipaway ed pangawan. Aliwan maamot a diad Pilipinas et nakaukolan lawas so padrino, manlapod panbiniag anggad ipatey, diad pakagamor na kaptekan, pakálay pasaporte, odino diad pamabolaslás na bengat lan kimey ono anapan.
Tan manlapod say ibábaga ran akasengeg niman ya inkipangaw et say gagaem dad Basilio nisesengeg cd sikato tan si amá to, say ermen to nantarok na inkaandian toy ilalo. Natan nepeg to met sirin ya ilaban ya unong na ginawa met nen Basilio ya dinundon tod imkipaunong to, tan singa walay mangiecsaes a bosis ed loob ton mangipapanunot ed sikatoy sakey a kaisipan, tan mangipaparungtal ed nunot toy makakebiew a nayarian ton gaween.
"Si pári Camorra, si kúra!" kuanton may bosis.
Manketket si Julí ed bibil to tan naynay a namemeneng, ya singa manoumameng na ambilbilunget iran kanunotan.
Nipangaw si láki ton nisesengeg ed kasalanan nen amá to ta inilaloan day mamakauley a sikatomay pakapapaway dad ának. Say alenleneg ya akapangibulos ed kinen masiken si pári Camorra, tan saya impanengneng ton malinlinew ed Julí ya kulang toy pisasalamat ed salita lambengat tan unong na kabat lan gendat ya ugáli to, imbagà ton malinlinew so labay ton gamoran.....Nanlapod saman sasaneben nen Julí pakapan-
